Farmasevtikada boshqaruv fanidan o‘quv-uslubiy majmua

Iste’molchilar – mazkur farmasevtika firma, dori vositalari, tibbiy buyumlarning iste’molchilari hisoblanadigan jismoniy va yuridik shaxslar, fuqarolar, farmasevtika firmalar, dori vositalarini ishlab chiqaruvchi korxonalari va davlat muassasalari. Iste’molchilar o‘rtasidagi katta farqqa qaramay, ularda umumiy xususiyatlar bor. Ular farmasevtika marketingi maqsadiga bog‘liq holda maqsadli guruhlarga birlashtirilishi mumkin bo‘lgan jinsi, yoshi malaka, ehtiyoj tarkibi, daromadlarini belgilaydi. Umuman, farmasevtika bozoridagi hatti-harakatlar strategiyasi jihatidan bir-biridan ancha farq qiladigan iste’molchilarning besh turi farqlanadi. Bular yakka iste’molchilar, bemorlar oilalari yoki uy xo‘jaliklari, vositachilar, ta’minotchilar, davlat va jamoat tashkilotlari, dori vositalarini ishlab chiqaruvchi korxonalarning mas’ul shaxslari yoki xodimi, farmasevt, farmasevt-assistentlaridir.
Yakka iste’molchilar, yani aholining dori vositalari iste’molchilari, bemorlar va dorixonada xizmat ko‘rsatish, dori vositalarining ulgurji vositachilarini faqat o‘zining shaxsiy foydalanishi uchun sotib oladigan qismi. Vositachilar ancha professional iste’molchilar, zero, ular, dori vositalari, tibbiy buyumlar va tibbiy texnikani asosan qayta sotish maqsadida sotib oladilar. Shu bilan bog‘liq holda ular, dori vositalari, tibbiy buyumlar va tibbiy texnikaning narxiga uning o‘ramiga saqlanish muddatlari kabi omillarga ko‘proq e’tibor beradilar. Farmasevtika firmalarning xodimi, farmasevtlari bo‘lgan ta’minotchilar moddiy-texnika ta’minoti uchun mahsulotni, dori vositalari, tibbiy buyumlar va tibbiy texnikani sotib oladilar, bunda ular etiborining markazida mahsulotning, dori vositalarining narx va miqdoriy tavsifi, transport xarajatlari, ishlab chiqaruvchining obro‘yi, mijoz istagiga reaksiyaning tezligi, to‘lovni kamaytirish imkoniyati kabi ko‘rsatkichlar turadi.
Davlat va jamoat muassasalarining mansabdor yoki javobgar shaxslari o‘zlarinikini emas, balki jamoat mablag‘larini sarflaydilar. Dori vositalarini ishlab chiqaruvchini tanlashda ular, eng avvalo, ishonchlilik, qonunga rioya qilishlik, shuningdek, shaxsiy aloqalari sharoitidan kelib chiqib yo‘l tutadilar.