Farmasevtikada boshqaruv fanidan o‘quv-uslubiy majmua

Farmnazorat bo‘limining asosiy vazifalari:

1. 
   Farmasevtika faoliyati bilan shug‘ullanuvchi tashkilotlar faoliyatini nazorat qilish.
   
2. 
   Dori vositalari va tibbiy buyumlarga belgilangan sifat talablarining bajarilishini, shu jumladan ularni ishlab chiqarish, tayyorlash, sifatini nazorat qilish, saqlash, tashish, sotish va qo‘llash jarayonidagi nazoratni amalga oshiradi.
   
3. 
   Farmasevtik faoliyatni litsenziyalash to‘g‘risidagi Nizom va litsenziya bitimi talablarining bajarilishini nazorat qiladi.
   
4. 
   Xo‘jalik yurituvchi sub’ektlar tomonidan farmasevtika va tibbiy mahsulotlarga belgilangan davlat va tarmoq standartlarining (farmakopeya maqolalari, texnik shartlar, ishlab chiqarish reglamentlari, texnologik yo‘riqnomalar va boshqa texnik-me’yoriy xujjatlar, mahsulotlarni o‘ramlash, yorliqlash va x.) talablarini rioya etilishini nazorat qiladi.
   
5. 
   Farmasevtik sanoat korxonalarida ishlab chiqarish sharoitlarini, ishlab chiqarilib, sotilayotgan dori vositalari va tibbiy buyumlarning sifatini amaldagi standartlarga rioya etilishini nazorat qiladi.
   
6. 
   Dorixona muassasalarida dori vositalari va tibbiy buyumlarni tayyorlash, saqlash va sotish jarayonlarida amaldagi standartlarga rioya etilishini nazorat qiladi.
   
7. 
   Farmasevtika faoliyatini amalga oshiruvchi vakolatlangan nazorat-tahlil xizmatlarida amaldagi standartlarga rioya etilishini nazorat qiladi.
   
8. 
   Xo‘jalik yurituvchi sub’ektlarda sifatni ta’minlash va standart talablariga javob bermaydigan dori vositalari va tibbiy buyumlar ishlab chiqarilishini hamda sotilishini oldini olish bo‘yicha Bosh boshqarmaning yozma ko‘rsatmalarining bajarilishini nazorat qiladi.
   
9. 
   Dori vositalari va tibbiy buyumlarning sifatiga taalluqli bo‘lgan arizalar va shikoyatlar bo‘yicha Bosh boshqarma orqali, o‘z vakolatlari doirasida qonunda belgilangan tartibda choralar ko‘radi.
   
10. 
    O‘zbekiston Respublikasi Sog‘liqni saqlash vazirligining farmasevtika faoliyati bo‘yicha litsenziya xay’atining ishida ishtirok etadi,
    
11. 
    Davlat arbitraj nazoratini tashkil etish va o‘tkazish.
    

Farmnazorat bo‘limining mutaxassislari O‘zbekiston Respublikasida dori vositalarini ishlab chiqarish, sotish va sifatini nazorat qilish faoliyatlarini muvofiqlashtirish bo‘yicha amaldagi standartlarni ishlab chiqishda faol ishtirok etadilar.