Фармацевтика таълим ва тадқИҚот институти “тасдиқлайман”

Tovarni joylashtirish va saqlash- Omborxonada barcha dori vositalari va tibbiy buyumlar stellajlarda va tagliklarda joylashtirilishi kerak. Dori vositalarini va tibbiy buyumlarni polda tagliklarsiz joylashtirishga yo‘l qo‘yilmaydi. Tagliklar polda bir qatorda yoki stellajlarning balandligi hisobga olingan holda stellajlarda bir necha qavatda joylashtiriladi.
Dori vositalarini va tibbiy buyumlarni saqlash xonalari va ulardagi asbob-uskunalar, jihozlar toza holatda saqlanishi kerak.
Ishlab chiqaruvchilar va ulgurji realizatsiya qiluvchi tashkilotlar dori vositalari va tibbiy buyumlarning buzilishi (to‘kilishi, sochilishi, sinishi), mikroorganizmlar tomonidan shikast etkazilishi va dori vositalari kesishgan kontaminatsiyasining oldini olish uchun tegishli choralarni ko‘rishi kerak.
Dori vositalarini saqlashda o‘ziga xos xususiyatlari
Dori vositalarini saqlash maxsulot xarakatining barcha bosqichlarida, ya’ni ishlab chiqaruvchilardan iste’molchilarga etib borgunga qadar amaldagi me’yoriy xujjatlar talablari asosida olib borilishi kerak.
Mazkur talablarga rioya etmaslik, dori vositalari va tibbiy buyumlar sifatini buzilishiga va natijada bemorlarning sog‘lig‘iga salbiy ta’sir etqazilishiga olib kelishi mumkin. Tovarlarni saqlash talablariga rioya etmaslik litsenziya talablari va shartlarini ko‘pol ravishda buzilishi deb baxolanadi.
Dori vositalarini va tibbiy buyumlarni saklashni tashkil etishda kuyidagilarni ta’minlash kerak:
- tegishli binolar, uskunalar mavjudligi.
- etarli saqlash sharoitini yaratish;
-tovarlarni guruxlar bo‘yicha joylashtirish (tizimlashtirish)
Dori vositalarini saqlash xonalariga qo‘yiladigan talablar
Dori vositalari va tibbiy buyumlarni saklash xonalari ularning xavfsizligini ta’minlashi kerak. Xonalar devorlarining ustki qismi, xona shiftlari silliq bo‘lishi va nam latta bilan tozalash ishlarini olib borish imkoniyatini ta’minlashi kerak. Dori vositalarini saqlash xonalarida xavoning ma’lum bir xaroratni va namlikni saqlash imkoniyati mavjud bo‘lishi kerak, bu dori-vositalarini birlamchi va ikkilamchi (iste’molchi) qadoqlariga joylashtirilgan yo‘riqnomalar asosida ishlab chiqaruvchilar talablariga muvofiq saqlash imkonini beradi. Omborxonada xavo xarorati va namlik xar kuni maxsus elektron dasturda yoki sahifalari raqamlangan, tikilgan va muhrlangan (agar muhr mavjud bo‘lsa) jurnalda qayd etilishi lozim.