Фармацевтика таълим ва тадқИҚот институти “тасдиқлайман”

Laboratoriya va qadoqlash ishlarini hisobga olish
Dorixonalarda tayyor dori vositalari miqdorini oshirish, ekstemporal tayyorlashni tezlashtirish uchun laboratoriya va qadoqlash ishlari olib boriladi, ular “laboratoriya va qadoqlash ishlarini hisobga olish kitobida (daftarida)” rasmiylashtiriladi. Ular nomerlangan, shnurlangan, muhrlangan bo‘lishi, ularda yuqori tashkilot rahbarlari va bosh hisobchining imzolari bo‘lishi shart. Kitobdagi barcha yozuvlar ma’lum bir vazifalar bajarilgandan so‘ng yoziladi.
Nazorat savollari
1. Zaxiralar bo‘limining asosiy vazifalari va funksiyalari nimalardan iborat?
2. Zaxiralar bo‘limida farmatsevt-texnologning vazifalari nimalardan iborat?
3. Buyurtma-talabnoma haqida tushuncha bering.
4. Dori vositalarini saqlashda nimalarga e’tibor beriladi?
5. Dorixonada tovarlarni qabul qilish qoidalari va ularni boshqa bo‘limlarga berish tartibini sanab o‘ting.
6. Laboratoriya va qadoqlash ishlarini hisobga olish daftarini va yurgizish tartibini aytib bering.
7.Zaxiralar bo‘limida qanday xonalar mavjud?
8. Giyohvand, zaharli dori vositalari, psixotrop moddalar va prekursorlarni saqlash sharoitida qanday talablar qo‘yiladi?
9. Dorixonada xodimlarning ish faoliyatini engillashtirish uchun oldindan qanday konsentratlar va yarim fabrikatlar tayyorlanadi?
10. Zaxiralar bo‘limida qadoqlovchilarning vazifalari nimalardan iborat?


1.9 DORIXONADA GIYOHVAND DORI VOSITALARI, PSIXOTROP MODDALAR VA PREKURSORLAR MUOMALASI

Reja:

1. 
   Giyohvand dori vositalari va psixotrop moddalar oboroti haqida meyoriy hujjatlar
   
2. 
   O’zR qonunchiligi asosida giyohvand dori vositalari va psixotrop dori vositalar muomalasini meyorlashtirish asoslari
   
3. 
   Giyohvand dori vositalar va psixotrop moddalar muomalasini litsenziyalshtirish tartibi
   
4. 
   Giyohvand dori vositalar va psixotrop moddalar muomalasini tashkil etishda o’ziga xos xususiyatlari
   
5. 
   Giyohvand dori vositalar va psixotrop moddalarga extiyojni hisoblash
   
6. 
   Giyohvand dori vositalar va psixotrop moddalarni saqlash va tashish
   
7. 
   Giyohvand dori vositalar va psixotrop moddalar hisobi, ularni safdan chiqarish tartibi
   

Giyohvand dori vositalari va psixotrop moddalar oboroti haqida meyoriy hujjatlar. O’zR qonunchiligi asosida giyohvand dori vositalari va psixotrop dori vositalar muomalasini meyorlashtirish asoslari

Giyohvand dori vositalar va psixotrop moddalar muomalasini tashkil etishda o’ziga xos xususiyatlari
Giyohvandlik vositalarini suiiste’mol qilish bilan kurashish sohasidagi xalqaro shartnoma huquqi XX asrning boshlarida yuzaga keldi. Hozirgi vaqtda giyoxvandlik vositalarini nazorat qilish to‘g‘risida bir qator ko‘p tomonlama shartnomalar mavjud bo‘lib, ularning barchasi 1912 va 1988 yillar oralig‘ida tuzilgan. Ular giyoxvandlik vositalarini nazorat qilishning mavjud xalqaro tizimi uchun huquqiy asos bo‘lib xizmat qiladi.
Giyohvandlik vositalarini nazorat qilish bo‘yicha amal qilayotgan asosiy xalqaro shartnomalarga 1961 yildagi giyoxvandlik vositalari to‘g‘risida YAgona Konvensiya (mazkur Konvensiyaga tuzatishlar to‘g‘risida 1972 yildagi Bayonnoma asosida kuchaytirilgan), 1971 yildagi Psixotrop moddalar to‘g‘risidagi va Birlashgan Millatlar Tashkilotining 1988 yilda qabul qilingan Giyohvandlik vositalari va psixotrop moddalarning noqonuniy muomalasiga qarshi kurash to‘g‘risidagi Konvensiyalari kiradi.