Фармацевтика таълим ва тадқИҚот институти “тасдиқлайман”

1.8 DORIXONADA ZAXIRALAR BO‘LIMI ISHINI TASHKIL QILISH. LABORATORIYA VA QADOQLASH ISHLARINI HISOBGA OLISH
Reja
1. Zaxiralar bo‘limining asosiy vazifalari va funksiyalari.
2. Zaxiralar bo‘limi xodimlari orasida shtatlar va vazifalarni taqsimlanishi.
3. Dorixonada tovarlarni qabul qilish qoidalari va ularni boshqa bo‘limlarga berish tartibi.
4. Laboratoriya va qadoqlash ishlarini hisobga olish.
Zaxiralar bo‘limining asosiy vazifalari va funksiyalari
Zaxiralar bo‘limining asosiy vazifalari dorixonaga ta’minotchilardan keltirilgan dori vositalari va boshqa tibbiy buyumlarni qabul qilib olish, saqlash, ularni boshqa bo‘limlarga, davolash-profilaktika muassasalariga, tashkilotlarga, shaxobchalariga tarqatish hamda laboratoriya va qadoqlash ishlarini amalga oshirishdan iborat.
Zaxiralar bo‘limining zimmasiga quyidagi vazifalar yuklanadi:

1. 
   Dorixonani dori vositalar, tibbiyot buyumlarining kerakli assortimenti bilan taminlanib turishini kuzatib borish, tovar Zaxiralarining to‘g‘ri saqlanishini tashkil etish
   
2. 
   Zaruriy tovarlar uchun buyurtma talabnomalar tuzib, o‘z vaqtida dorixona omboriga yuborish
   
3. 
   Ta’minotchilardan kelgan buyumlarni qabul qilib olish
   
4. 
   Bo‘limdagi tovarlarning harakati tugrisida hisobot tuzib borish
   
5. 
   Retseptsiz savdo bo‘limiga tegishli tovarlarni berish
   
6. 
   Assistentlar xonasidagi shtanglaslarni dori vositalari bilan to‘ldirib turish
   
7. 
   Dorixonaga biriktirilgan DPMlarga, dorixona shaxobchalariga tovarlarni tarqatish
   
8. 
   Tarkatilgan tovarlar uchun yuk-xati va boshqa tegishli xujjatlarni rasmiylashtirish.
   

Zaxiralar bo‘limi xodimlari orasida shtatlar va vazifalarni taqsimlanishi
Zaxiralar bo‘limida farmatsevt va qadoqlovchilar xizmat qilib, ular bevosita bo‘lim mudiri va muovinlariga bo‘ysinadilar.
Bo‘limda farmatsevt-texnologning vazifalari quyidagilardan iborat:
-bo‘limdagi laboratoriya ishlarini olib borish, jumladan, konsentrlangan eritmalarini, yarim fabrikatlar, dorixonada va tez-tez uchrab turadigan retseptlar bo‘yicha oldindan dorilar tayyorlash;
-qadoqlovchilar o‘rtasida ishlarni taqsimlab, qadoqlangan mahsulotlarni qabul qilish;
-tovarlar saqlash xonalarida Davlat farmakopeyasi va amalda tasdiqlangan yo‘riqnomalarning talablariga muvofiq to‘g‘ri saqlanishini ta’minlash;
-shtanglaslarni dori vositalari bilan to‘ldirib turish;
-biriktirilgan davolash-profilaktika muassasalari va dorixona bo‘limlaridan tushgan talabnomalar asosida tovarlar to‘plash;
-dori vositalari va boshqa tibbiy buyumlarga buyurtma tuzishda qatnashish, vaqtinchalik yo‘q bo‘lgan dori vositalariga buyurtma tuzishda qatnashish, vaqtinchalik savdoda bo‘lmagan va yangi qabul qilingan dori vositalarining hisobini olib borish;
-dorixonaga olib kelingan tovarlarni qabul qilishda qatnashib, ularni saqlanish joylari bo‘yicha joylashtirishni tashkil qilish;
-bo‘limda farmatsevtik tartib va sanitariya me’yor va qoidalariga rioya qilishni nazorat qilib turish;
Qadoqlovchilar esa quyidagi vazifalarni bajaradilar:

1. 
   Dori vositalarni qadoqlash.
   
2. 
   Tovarlarni qabul qilishda va bo‘limlarga tarqatishda qatnashish.
   
3. 
   Tarozilardan, qadoqlash uskunalardan to‘g‘ri foydalanib, ularni ozoda saqlanishini ta’minlash.
   
4. 
   Farmatsevt va farmatsevt assistentlarning ishlab chiqarishga doir ko‘rsatmalarini bajarish.