Farg`ona shahar, 15-sonli o`rta ta’lim maktabining boshlang`ich sinf o`qituvchisi Mahmudova Barnoxon Maxsudovnaning

Farg`ona shahar,
15-sonli o`rta ta’lim maktabining
boshlang`ich sinf o`qituvchisi
Mahmudova Barnoxon Maxsudovnaning
4-“A” sinfi uchun ona tili fanidan
“Otlarning kelishik qo‘shimchalari bilan qo‘llanishi”mavzusida tayyorlagan



2018-2019-o`quv yili
Sana: 12-dekabr, 2018-yil.
Fanning nomi: Ona tili.
Sinfi: 4-“A” sinf.
Dars mavzusi: Otlarning kelishik qo‘shimchalari bilan qo‘llanishi.
( 187-190- mashqlar)
Darsning maqsadi:
ta’limiy: Otlarning gapda kelishik qo‘shimchalari bilan qo‘llanishi, uning nomlari, so‘roqlari va gapdagi vazifasi yuzasidan amaliy bilim berish, gap tuzishda qo‘shimchalardan foydalanish, so‘zlarni ma’no jihatdan bog‘lanishlarini anglashga o‘rgatish; FK1: otning kelishik qo‘shimchalari bilan turlanishini bilish,
tarbiyaviy: o`quvchilarni tabiat in’om etgan narsalarga ehtiyotkorona munosabatda bo‘lishga o‘rgatish, komil inson qilib tarbiyalash:
TK5 : o‘zi yashab turgan tarixiy obidalarni bilish va ularni bir-biridan farqlash;
rivojlantiruvchi: o`quvchilarda imloviy va husnixat ko`nikmalarini rivojlantirish. FK2: talaffuz me’yorlariga rioya qila oladi, mavzuga oid so‘zlarni og‘zaki va yozma nutqda qo‘llay oladi, o‘zlashtirilgan leksik birliklarni matnda qo‘llay oladi.
TK 2: darsda kitob bilan ishlay olish, o‘rganilayotgan mavzuni, kerakli qoidani, mashqni topish, mashq topshiriqlarini tartibi bilan bajarish
Dars turi: o`quvchilarning bilim, ko`nikma, malaka va kompetensiyalarini rivojlantiruvchi dars.
Dars metodi: suhbat, kichik guruhlar bilan ishlash, “Blits so‘rov”,„Tahlil qolipi“ta’limiy o‘yini, “Lisoniy qolip” metodi .
Dars jihozi: darslik, ko`rgazma, tarqatma materiallar, rasmlar, didaktik materiallar, slaydlar, multimedia.
Darsning borishi: