Farg’ona politexnika instituti «tadbiqiy mexanika» kafedrasi «mexanika» fanidan

1-1 kesim (3.1 - shakl, b). Sistemadagi tayanch reaktsiyasini topib o’tirmaslik uchun kesim o’tkazilgach, brusning erkin uchi tomonini olib qolingani ma’qul.

Olib qolingan qism kesimidagi bo’ylama kuchni doimo kesimdan tashqariga yo’naltiraylik. Agar aniqlangan bo’ylama kuch qiymati musbat ishorali chiqsa, ko’rilayotgan qism cho’zilish, aks holda siqilish deformatsiyasi ostida bo’ladi. SHartli ravishda cho’zuvchi bo’ylama kuchni musbat, siquvchi bo’ylama kuchni esa manfiy deb ishoralash qabul qilingan.

3.1 - shakl

2-2 kesim (3.1 - shakl, v)

Endi yuqoridagi qoidaga ko’ra:

N2=P1-P2=30-50=-20 kN (siquvchi)

3-3 kesim (3.1 - shakl, g)

SHunga o’xshash. N3=P3-P2+P1=66-50+30=46 kN (cho’zuvchi)

Endi bo’ylama kuchlarning topilgan qiymatlari asosida bo’ylama kuch epyurasi (3.1 - shakl, d) quriladi. Undan brusning pastki va yuqoridagi qismlarining cho’zilishi, o’rtadagi qismining siqilishini ko’ramiz.

Nmax=46 kN.

SHunday qilib, brusning 1-1 kesimdan pastda qolgan qismi uchun muvozanat tenglamasini yozamiz.

Z=0. N1-P1=0.

Bundan N1=P1= 30 kN (cho’zuvchi).

Ushbu ifoda yuqorida ko’rilgan bo’ylama zo’riqish kuchi tenglamasini tuzish qoidasiga mos keladi.

3.1 - shakl

Brusni buralishga hisoblashda uning ixtiyoriy kesimidagi burovchi moment qiymatini bilish zarur bo’ladi. Burovchi momentlarning val uzunligi bo’yicha o’zgarish qonunini ko’rsatuvchi grafik burovchi momentlar epyurasi deyiladi. Bu epyurani qurish bo’ylama kuch epyurasini qurishga o’xshash. Valning ixtiyoriy kesimidagi burovchi momentni topishda ham kesish usulidan foydalaniladi.

Val kesimlaridagi burovchi momentlarni aniqlash va ularning epyurasini qurishni quyidagi misolda ko’ramiz.