Farg’ona davlat universiteti Matematika informatika fakulteti

Farg’ona davlat universiteti Matematika – informatika fakulteti Amaliy matematika va informatika 18.07 – guruh talabasi Saidjamolova Marhaboxon 21.02.2022 – 19.03.2022 o’quv yilida o’tkazilayotgan malakaviy amaliyot

HISOBOTI
Men Saidjamolova Marhaboxon 21.02.2022 dan 19.03.2022 gacha malakaviy amaliyotda bo’ldim. Men bu amaliyotimni Margilon shahrida joylashgan 2-sonli davlat ixtisoslashgan umumiy ta’lim maktabida o’tkazmoqdaman.
Biz amaliyot rahbarimiz bilan 21-fevral kuni maktabga yetib keldik. Maktabda o’quv ishlari bo’yicha direktor o’rinbosari Mamurov Muhammad qabul qilib oldilar. Ustozimiz kerakli maslahatlar berdilar. Shaxsan menga ushbu maktabning tajribali matematika o’qituvchisi Ergashev Dilshodga biriktirildi. Maktabning tashqi ko’rinishini tomosha qilar ekanmiz, ko'rinishi juda ham chiroyli va katta, ko’rkam edi. Birinchi kuni men uchun maktab va maktab jamoasi bilan tanishuv kuni bo'ldi. Men birinchi navbatda maktab direktori bilan ko'rishdik. Maktab direktori meni maktabdagi ichki qonun-qoidalari bilan tanishtirdi. Maktab direktori va jaomasi juda ham tartibli va o’z ishlariga mas'uliyat bilan yondashishlari, maktab formasi, o'qituvchilar oldiga qo'yiladigan talablar, davomat qattiq nazorat qilinishi, bundan tashqari mening maktabdagi holatim va shunga o'xshash qoidalar haqida menga aytib , meni xuddi shu talablarga rioya qilishim haqida aytib o'tdilar. Men maktab va maktab jamoasi bilan tanishib chiqdim. Shuni ham ayta olamanki, menga maktabdan biriktirilgan amaliyot rahbarim va jamoasi yaqindan ko'maklashdi. Ularning dars o'tish metodlari, dars o’tish malakasi, bolani o'ziga qaratishi, dars paytida o'quvchining xayoli faqat va faqat darsda bo'lishiga harakat qilishi menga juda ham yoqdi. Haqiqattan ham o'z ishining yetuk mutaxxasisi ekan. Amaliyot davrimda matematika va boshqa fan ustozlarining darslarida ham ishtirok etdim. Maktab o'qituvchilarining dars o'tish metodlari umuman bir-biriga o'xshamas, har bir ishtirok etgan darslarimdan bir qancha metodlarni o'rganib chiqdim. Amaliyotim mobaynida bir qancha ochiq darslarni kuzatdim va ularni qanday tashkillashni, nimalarga ko’proq e'tiborli bo’lish rakligini, qanday usullar orqali ochiq darslarni qiziqarli va samarali tashkil etishni o’rganib oldim.
Men amaliyotim davrida boshqa matematika o’qituvchilari bilan ham muntazam ish olib bordim va maktab ichki tartib-qoidalari bilan tanishdim, o’rgandim va o’zimga kerakli xulosalarni oldim. O’zimga biriktilgan sinfdan tashqari boshqa sinflarda bo’layotgan ochiq darslarga ham qqatnashdim. 15-mart kuni 5 sinflarda “To’g’ri burchakli parallelepiped va kub hajmi” mavzusida ochiq dars tashkilladim. O’qituvchilarning dars o’tish jarayonlarini kuzatdim va dars jarayoni uchun kerak bo’ladigan turli o’qitish metodlari, yangi pedagogik texnalogiyalarning dars davomida qo’llanilishini, shu bilan birga, noan’anaviy o’qitish uslublaridan foydalanishni va eng asosiysi pedagog sifatida o’quvchi bilan to’g’ri va samarali aloqa o’rnatishni kuzatdim va o’rgandim. Matematika o’qituvchilari yordamida dars rejasini tuzishni, darslar uchun mustaqil ravishda konspekt yozishni, foydalanishni, darsni to’g’ri tashkillash, mavzuga mos bo’lgan materiallar, ko’rgazmali qurollar, tarqatma materiallar, mashqlar, mavzularga mos keladigan o’yinlar tayyorlashni, barcha o’quvchilar bilan birdek ishlashni, darsga jalb qila olishni, o’quvchilarni rag’batlashni, vaqt taqsimotini to’g’ri tashkil etishni bilib oldim va o’zim ham mustaqil ravishda o’quvchilarga dars o’tdim. Bunda menga o’qituvchilardan o’zlashtirgan bilimlarim samara berdi. Ularni amaliyotda sinab ko’rdim.
Ushbu amaliyot davrida o’qituvchilarning menga bergan saboq va bilim ko’nikmalari, bu yerdan o’rgangan bilim va tajribalarim menga kelajakdagi ish faoliyatimda va albatta yetuk malakali mutaxassis bo’lib yetishishimda katta yordam beradi, deb o’ylayman.o
Maktab direktori: K.Ruziboyeva
Amaliyot raxbari: Sh.Karimov
Amaliyotchi talaba: M. Saidjamolova