FARG‘ONA DAVLAT UNIVERSITETI FIZIKA-MATEMATIKA FAKULTETI MATEMATIKA O‘QITISH METODIKASI YO‘NALISHI
3 – KURS 17.01 GURUH TALABASI G’ULOMQODIROV JAMSHIDBEK ELYORJON O’G‘LINING MATEMATIKA O‘QITISH METODIKASI FANIDAN „GEOMETRIK TUSHUNCHALARNING YUZASI VA ULARNI O’RGANISH METODIKASI“ MAVZUSIDAGI KURS ISHIGA
TAQRIZ
Yoshlarga ta’lim va tarbiya berishning murakkab vazifalarini hal etish o‘qituvchining g‘oyaviy e’tiqodi, kasb – mahoratiga, san’ati, iste’dodi va madaniyatiga hal qiluvchi darajada bog‘liqdir. Ta’lim – tarbiya jarayonini to‘g‘ri tashkil etish uchun barcha mavjud imkoniyatlarini safarbar etish o‘qituvchilarning birinchi navbatdagi vazifalaridan biridir.
Matematika fani o‘sib kelayotgan yosh avlodni kamol toptirishda o‘quv fani sifatida keng imkoniyatlarga ega. U o‘quvchi tafakkurini rivojlantirib, ularning aqlini peshlaydi, uni tartibga soladi, o‘quvchilarda maqsadga yo‘naltirganlik, mantiqiy fikrlash, topqirlik xislatlarini shakllantirib boradi. Shu bilan bir qatorda mulohazalarning to‘g‘ri, go‘zal tuzilganligi, o‘quvchilarni didli, go‘zallikka ehtiyojli qilib tarbiyalab boradi.
Insoniyat kamoloti hayotning rivoji texnika va texnologiyalarning takomillashib borish asosida fanlar o‘qitilishiga bo‘lgan talablarini hisobga olgan holda maktab matematika kursini ularning zamonaviy rivoji bilan uyg‘unlashtirish maktabda o‘quvchilarga matematikani o‘qitishdan ko‘zda tutilgan asosiy maqsadlardan biridir. Matematika fani o‘quvchilarni iroda, diqqatni to‘plab olishni, qobilyat va faollikni, tasavvurining rivojlangan bo‘lishini talab eta borib, mustaqil, ma’suliyatli, mehnatsevar, intizomli va mantiqiy fikrlash hamda o‘zining qarash va e’tiqodlarini dalillar asosida himoya qila olish ko‘nikmalarini rivojlantirishni talab qiladi.
J.G‘ulomqodirovning kurs ishi kirish, 2 ta bob, 5 ta paragraf, xulosa va foydalanilgan adabiyotlar ro‘yxatidan iborat. Kirish qismida kurs ishining dolzarbligi, maqsad va vazifalari bayon qilingan.
Kurs ishining birinchi bobi ikkita paragrafdan iborat bo‘lib, birinchi paragrafda eng sodda geometrik tushunchalar to‘g‘risidagi ma’lumotlar keltirilgan. Ikkinchi paragrafda esa yuza haqida tushunchalar va yuzani o’lchash bayon etilgan.
Kurs ishining ikkinchi bobida uchta paragraf keltirilgan bo‘lib, birinchi paragraf uchburchaklar yuzasni o’rganish metodikasiga, ikkinchi paragraf esa to’rtburchaklar, ularning turlari va to’rtburchaklarning yuzasini o’rganish metodikasiga bag’ishlangan. Uchinchi paragrafda oliy matematika kursiga aloqadorlikda ya’ni aniq integral yordamida doira va aylanma fazoviy jismlar sirtlarini o’rganish haqida ma’lumotlar keltirilgan. Bundan tashqari ushbu bobda bir nechta qiziqarli misollarga yechimlar ham keltirilib o’tilgan.
Kurs ishining oxirida xulosa chiqarilib, foydalanilgan adabiyotlar ro‘yxati keltirilgan.
Yuqoridagilarga hamda ilmiy suhbat natijasiga asosan G’ulomqodirov Jamshidbek Elyorjon o’g‘lining “Geometrik tushunchalar yuzasi va ularni o’rgatish metodikasi” mavzusidagi kurs ishi O‘zbekiston Respublikasi davlat ta’lim standartlarida qo‘yilgan talablarga javob beradi va uni himoyaga tavsiya qilaman.
Ilmiy rahbar: Matematika kafedrasi dot (P.h.D)
U.X.Xonqulov
Do'stlaringiz bilan baham: |