Фарғона политехника институти қурилиш» факультети ««бино ва иншоотлар қурилиши»

Тушунтириш хати
Арматуралаш модулининг қисқача ифодаланиши
СТЕРЖЕНЬ модули- қийшиқ номарказий буралиш орқали юкланиш.
Модул стержен кесимларида қуйидагилар мавжуд бўлган ҳолатларда арматураларни танлашни амалга оширади:

• 
  N нормал кучлар (сиқилиш ва чўзилиш);
  
• 
  M_k буровчи момент;
  
• 
  M_y ,M_z иккита текисликда эгувчи моментлар;
  
• 
  Q_z, Q_y қирқувчи кучлар.
  

Ҳисоблаш чегаравий ҳолатларнинг биринчи ва иккинчи гуруҳлари (мустаҳкамлик ва ёриқбардошлик) бўйича бажарилади. Арматураланадиган кесимлар: тўғрибурчакли, тавра, қўштавра, қутисиман, думалоқ ва ҳалқа (бу кесим ҳеч бўлмаганда битта симметрия ўқига эга), хоч, аралаш токчали тавра, бурчак (бу кесим носимметрик).
Фойдаланувчининг истакига қараб арматуралар танлашнинг алгоритми танланади:

• 
  дискрет арматуралар алгоритми кесимнинг бурчакдаги зоналарида стерженларнинг устунлик билан ўрнатилиши туфайли арматураларнинг энг оқилона жойлашишини таъминлайди. Бурчак стерженларини ажратиб кўрсатиш режими.
  
• 
  тақсимланган арматуралар алгоритми (“размазанную” (чапланган) арматуралар). Бурчак стерженларини ажратмасдан кўрсатиш режими. Ушбу алгоритм қуйидаги ҳолатларда рухсат этилмайди:
  

• 
  эгувчи моментлардан бири (M_Y ёки M_z) иккинчисидан 10% кўп бўлганида фазовий стерженларни ҳисоблашда;
  
• 
  буровчи момент таъсиридан ишлайдиган арматуралар мавжуд бўлганида;
  
• 
  қўштаврали кесимда;
  
• 
  M_z моменти устунлиги мавжуд бўлганда.
  

Бу ҳолат учун дискрет арматуралар алгоритми мажбуран қўлланилади. Бурчакларида арматураларни жойлаштириш мақсадга мувофиқ бўлган колонналарда “размазанную” (чапланган) арматураларни қўллаш тавсия қилинмайди.
Фойдаланувчининг хоҳишидан келиб чиққан ҳолда Y ва Z ўқларига нисбатан симметрик ва носимметрик арматуралашни олиш мумкин. Кўндаланг арматураларни танлаш қирқувчи кучларнинг Y ва Z йўналишлари бўйича қийматларидан келиб чиқиб амалга оширилади. Танланган арматуралар учун ёриқбардошлик шартларидан келиб чиққан ҳолда давомий ва қисқа муддатли ёриқлар очилиши кенглиги аниқланади. Ёриқлар очилиши кенглиги нормал кучлар ва M_y ҳамда M_z моментлар қийматларидан аниқланади.