Фарғона политехника институти қурилиш» факультети ««бино ва иншоотлар қурилиши»

Буйруқларни киритиш ва бажариш
ЛИРА ПК нинг 9.6 версияси бошқариш буйруқларини ўзида сақловчи 10 та меню бандига эга (3-расм). Меню бандларининг бир қанча қаторлари “►” шартли белгиси билан тугалланади, бу меню банди иккинчи даражали менюга эга эканлигини англатади ва улар белгиланган позиция фаоллаштирилганда экранга чиқадилар. Меню бандидаги буйруқ босилганидан кейин дарҳол у бажарилишга тушади, меню ва изоҳловчи ёзувлар эса автоматик равишда экрандан ўчиб кетади. Қуйида меню бандларининг кўринишлари ва буйруқларининг бажарадиган ишлари билан қисқача танишиб ўтамиз.


1. Файл меню банди.
“Файл” меню банди файлларни қайта ишлаш буйруқларининг стандарт гуруҳи таркибига эга: янгисини яратиш, мавжудини очиш, ёпиш ва файл масаласини сақлаб қўйиш, ПК дан чиқиш (3-расм). Бу менюдаги бошқаларидан ажралиб турадиган буйруқлар ЛИР ПК нинг қўшимча имкониятларини намойиш этишади. Бу Экспортировать (DXF) ... (DXF га экспорт қилиш) буйруғи, натижаларни стандарт DXF форматида сақлаб, кейинчалик к график дастур пакетларида ва намойиш қилиш дастурларида таҳрирлаш имкониятини яратади. Импортировать задачу (масалани импорт қилиш) буйруғи бошқа (AutoCAD, ArchiCAD) автоматик лойиҳалаш системаларидан фойдаланиб яратилган лойиҳаларни ЛИРА ПК га узатиш имкониятини беради.



3-Файл меню банди
Создать текстовый файл (матн файлини яратиш) буйруғи ёрдамида системада ЛИРА ПК нинг кириш тилидаги форматида киритилган .TXT форматдаги бошланғич маълумотлар автоматик кенгайтланади. Бу файлни Windows муҳитидаги Блокнот ёки бошқа матн редакторларида таҳрирлаш мумкин. Моҳир фойдаланувчилар кўпинча ушбу имкониятлардан фойдаланадилар, чунки бу усулда интерфаол усулларга қараганда анча вақт тежалади.
Қандайдир сабабларга кўра схемани яратиш ёки уни ўзгартириш жараёнида натижалар олинганидан сўнг ЛИР-ВИЗОР график муҳити билан боғланишлар йўқотилиши мумкин. Связаться с результатами (натижалар билан боғланиш) буйруғи билан боғланишларни тиклаш мумкин бўлади.