Фарғона политехника институти ўқитувчилари

Фарғона политехника институти ўқитувчилари
У.С.Рустамов, З.И.Абдумаликова ва Э.Ж.Алихоновлар томонидан тайёрланган “Метрология, стандартлаштириш ва сертификатлаштиришнинг қонуний асослари” фанидан ўқув қўлланмага
ТАҚРИЗ
Фарғона политехника институти ўқитувчилари У.С.Рустамов, З.И.Абдумаликова ва Э.Ж.Алихоновлар томонидан тайёрланган “Метрология, стандартлаштириш ва сертификатлаштиришнинг қонуний асослари” фанидан тайёрланган ўқув қўлланма Давлат таълим стандартлари талабларигa тўла жавоб беради. Ундан илмий-техник ва мухандис ходимлар, магистрлар, тадқиқотчилар ҳам фойдаланиши мумкин.
«Метрология, стандартлаштириш ва сертификатлаштиришнинг қонуний асослари» фанидан ўқув қўлланма моҳияти жиҳатидан тўрта бобдан иборат бўлиб, биринчи бобда фаннинг асосий мазмуни ва вазифалари, ҳуқуқий маданият ва онг масалалари, субъектларнинг орасидаги тузиладиган шартномалар, иккинчи бобида метрология, стандартлаштириш ва сертификатлаштириш фаолиятига асосланадиган ва узвий боғлиқ бўлган Республика қонунлари, учинчи бобида жисмоний ва юридик шахслар шикояти устида ишлаш, тўртинчи бобида турли тармоқларда давлат назоратини ўтказиш тартиби ва қоидалари ҳақида маълумотлар ёритилган.
Ўқув қўлланма ижтимоий турмушда ҳуқуқий онгнинг тутган ўрнини кўрсата билиш, ўз доирасига халқ хўжалигида ҳамда саноатнинг турли тармокларида, хусусан метрологик таъминот ва хизмат, стандартлаштириш, янги стандартларни ва технологияларни тадбиқ этиш, маҳсулотлар ва хизматларни сертификатлаштиришда ҳамда шу соҳалар бўйича давлат назоратини амалга оширишда қонун устиворлигини таъминлаш, шахсларнинг ҳуқуқ ва мажбуриятларини қонуний асосда белгилаш масалаларини қамраб олган, шунингдек у моҳиятан ҳозирги кунларда республикамиздаги таълим ва иқтисодиёт борасидаги ривожланиш ва ўзгаришларни ҳисобга олинган ҳолда яратилган.
Ўқув қўлланма Давлат таълим стандарти талаблари, малака талаблари, ўқув режа ва фан дастурлари ҳамда ўқув адабиётларига қўйиладиган талабларига жавоб беради ва уни талабаларга ўқув қўлланма сифатида тавсия қиламан.
Ушбу ўқув қўлланмани ўзбек тилида чоп этилиши адабиётлар етишмасликдаги бўшлиқни тўлдиради деб ўйлайман.

Тақризчи: Андижон машинасозлик институти “МС ва МСМ”

кафедра мудири, к.ф.н. доцент А.А.Мамажонов