Фарғона филиали телекоммуникация технологиялари ва касбий

2.4. Кириш абонент тармоқларини оптик технологиялар асосида қуриш

Барчамизга маълумки бугунги кунда телекоммуникация тармоқларининг муаммоли қисми абрнент кириш тармоқлари хисобланади. Бу асосан мавжуд ўрама жуфт мис симли алоқа кабеллари асосида қурилган абонент кириш тармоқларининг ўтказиш қобилиятининг пастлиги, сигналларни узоқ масофага сифатли етказишда муаммолар мавжудлиги билан характерланади.
Хозирда ривожланган ахборотлашган жамиятда абонентларнинг ахборотга бўлган эхтиёжлари тобора ортиб бормоқда. Янги телекоммуникация хизматларини тақдим этиш жараёнида бу муаммолар айниқса чекланишларни юзага келтиради. Хусусан бугунги кунда телекоммуникация хизматларидан бири сифатида кенг ривожланиб бораётган HDTV(high definition TV) - юқори аниқликдаги телевизион хизматини мисол келтириш мумкин. Чунки ахолининг(абонентларинг) аксарият қисми бундай хизматларни тақдим этишга тайёр бўлмоқда яъни, улар ЭНТ(электрон-нур трубкали) телевизион қабул қилгичларини (телевизорларини) суюқ кристалли ёки плазмали тевизион қабул қилгичларга алмаштирмоқдалир. Бу эса уларга HDTV телевизион хизматидан фойдаланиш имкониятини беради.
Ушбу хизматни амалга ошириш учун ташкил қилинган тармоқга ўтказиш қобилияти ва пакетларнинг ўз вақтида етказиб берилиши бўйича юқори талаблар қўйилади. Чунки бу хизматни тақдим қилиш интернет ва телефания хизматларига нисбатан анча мураккаб ва нисбатан катта ўтказиш қобилиятини талаб қилади.
Масалан ривожланган мамлакатларда (АҚШ, Осиё-Тинч океани региони мамлакатлари, Европа) кенг полосали абонент тармоқларини қуришда опператордан абонентга 25 / 50 Мбит/с, абонентдан операторга эса 10 Мбит/с дан кам бўлмаган тезликларни таъминлаш кўзда тутилган. Оммавий равишда ахолини бундай тезлик билан таъминлашда оптик толали технологиялардан фойдаланиш энг самарали усул хисобдланади. Яъни, кенг полосали абонент кириш тармоқларини қуришни FTTX (Fiber to the X ) концепцияси асосида амалга ошириш. FTTX концепциясини амалга оширишда асосан PON технологиясидан фойдаланилади. FTTX концепциясининг бир қанча вариантлари бор:

• 
  FTTHome –хонадонгача (квартирагача) оптик толали абонент тармоғини қуриш;
  
• 
  FTTPremises –хусусий биногача оптик толали тармоқ қуриш;
  
• 
  FTTBuilding – кўп қаватли ахоли турар жойигача оптик толали тармоқ қуриш (таунхаус);
  
• 
  FTTCurb – тақсимлаш шкафигача оптик толали тармоқ қуриш (подъездларда).