Faoliyatimizda ko‘zga ko‘ringan kamchiliklar nimada? degan savol berilganda 35 nafardan ortiq obunachi 40 tadan ortiqroq fikrlarini qoldirishgan

Joriy yilning 11-aprel sanasida Xalq ta’limi vazirligi tasarrufidagi Respublika “Barkamol avlod” bolalar maktabining FACEBOOK rasmiy sahifasida o‘tkazilayotgan online seminar-treninglar haqida obunachilar fikrini bilish maqsadida Axborot xizmati tomonidan o‘zaro tadqiqot so‘rovnomasi o‘tkazildi. Ushbu so‘rovnoma telegram guruhida amalga oshirildi. Unda tashkilotning hozirgi faoliyati va uni yanada yuqori bosqichga olib chiqishga qaratilgan bir necha savollar bilan obunachilarga murojaat etildi. Jumladan: Online seminar-treninglarni tashkil etishdagi sifat ko‘rsatkichlarimizni oshirish uchun nima taklif qilgan bo‘lar edingiz? degan savol bilan murojaat etilganda 35 nafardan ortiq obunachilar o‘zlarining bir biridan qiziq takliflarini yozma tarzda qoldirishdi. Ular tahlil qilinganda Online seminar offlinega ko‘chirilishini so‘rab 6 nafar obunachi taklif bildirgan va bu bildirilgan takliflar sonining ko‘pligi bo‘yicha eng yuqori o‘rinda turibdi. Bundan tashqari seminarlar ko‘proq bo‘lishini so‘rab 4 ta, online treningni hududlar kesimida o‘tkazish bo‘yicha 3 ta,uslubiy materiallar bo‘yicha 3 ta taklif bildirilgan. Va qolgan obunachilar bildirgan takliflar bir biriga o‘xshamagani uchun ular yakka tartibda inobatga olindi.

Faoliyatimizda ko‘zga ko‘ringan kamchiliklar nimada? degan savol berilganda 35 nafardan ortiq obunachi 40 tadan ortiqroq fikrlarini qoldirishgan. Tuman va Viloyat “Barkamol avlod” bolalar maktablarida kuzatilayotgan kamchiliklar hamda Respublika “Barkamol avlod” bolalar maktabi tomonidan yo‘l qo‘yilgan ba’zi kamchiliklar obunachilar nigohida talqin etilgan. Ba’zi obunachilar o‘zlari ko‘rgan kamchiliklarni bartaraf etish uchun nima qilish kerakligi to‘g’risida taklif ham qoldirishgan.
Yana qanday to‘garaklar faoliyati bilan tanishishni xohlaysiz? degan savol berilganda 40 nafarga yaqin obunachi o‘z fikrlarini bildirishgan. Bular orasida eng ko‘p so‘ralgan to‘garak turlari: Robotexnika,IT sohasi,Mental arifmetika,San’at va madaniyat. Bundan tashqari sport va hunarmandchilik to‘garaklari bilan tanishishni ham nisbatan ko‘proq obunachilar so‘rab fikr bildirishgan.
Birgalikda katta yutuqlarga erishish uchun qanday yordam bera olasiz? degan savol bilan murojaat etilganda 40 nafardan ortiq obunachilar o‘zlarining 45 tadan ko‘proq fikrlari bilan ishtirok etishdi.
Ushbu tadqiqot so‘rovnomasida bildirilgan takliflar, aytilgan kamchilik va nuqsonlar barchasi inobatga olindi.
Respublika “Barkamol avlod” bolalar maktabi rahbariyati eng ko‘p kelib tushgan talab va takliflarni o‘rganib uning ijrosini ta’minlaymiz.