Фаннинг ўқув-услубий мажмуаси Ўзбекистон Республикаси Олий ва ўрта маҳсус таълим вазирлигининг 2018 йил 25 августдаги 744-сонли буйруғи билан «Маркетинг тадқиқотлари» фан дастури асосида тайёрланган

Вазиятли топшириқ -1

Фирма фаолиятида маркетинг концепцияси

1969 йил таъсис этилган «ЭПС Лтд» фирмаси Буюк Британияда электр энергияси ишлаб чиқарувчи нуфузли фирма сифатида маълум. Компания шиори қуйидагича: «Биз электр энергиясини узлуксиз етказиб бершни кафолатлаймиз. Бизнинг энергия узатишимиз аъло даражада!». Фирма мижозлари: аэропортлар, касалхоналар, телекоммуникация соҳасидаги корхоналар, нон комбинатлари. Мижозлар географияси – Буюк Британия, Ўрта Шарқ, Хитой.

Компьютер ва бошқа асбоб-ускуналар электр энергияси билан узлуксиз ва барқарор таъминлашни талаб қилади. Фирма мутахассислари бундан 20 йил олдин электр узатиш ва кучланишдаги энг кичик тебранишларр ҳам компьютер ишига салбий таъсир этиши ва бунда узатиладиган ахборот бузиб кўрсатилиши, компьютер операциялари қийинлашишини аниқлаган эдилар. Фирма тасарруфида бўлган асбоб-ускуналар ўзгарувчан ток тебранишларидан ишончли ҳимояни тўлиқ таъминлай олади.
Фирманинг сотув ҳажми талаб етарли даражада юқори бўлганда тўхтовсиз ўсади, бироқ рақобат хавфи ҳам ортади. Фирманинг бошқарувчи директори маълумоти бўйича муҳандис-электрончи бўлиб, Маркетинг институти қошидаги кадрлар тайёрлаш марказида махсус курс ўтиб, фирма позициялари мустаҳкам эканлигига қарамай, унинг фаолиятини маркетинг концепциясига йўналтириш зарурлигини англаб етди. У маркетинг режалаштириш тизимини ривожлантириш вақти келди деб ҳисоблайди, бироқ маркетинг фаолияти борасида етарлича тажрибага эга бўлмагани ҳолда аниқ нималар қилиш кераклигини билмайди. У компания фалсафасини қуйидагича ифодалайди: «Товарнинг энг олий сифати плюс ажоийб инжиниринг ва техник экспертиза».
Саволлар:

5. 
   Бошқарувчи директорга компаниянинг асосий маркетинг мақсадларини ифодалашга ёрдам беринг.
   
6. 
   Компаниянинг асосий вазифаларини ажратиб кўрсатинг.
   
7. 
   Сизнингча, бу вазифаларни бажариш учун маркетинг фаолиятининг қайси турлари зарур?
   
8. 
   Компания фаолиятида маркетинг концепциясига ўтиш натижасида қандай фойда олиш мумкин?
   

Жавоблар вариантини график органайзерлар кўринишида тақдим этинг.