Назорат cаволлари
1.Турли ёш гуруҳларда тасвирий фаолият машғулотларини ўтказиш вақтини айтинг?
2. Тасвирий фаолият машғулотларининг муваффақиятли уюштиришда тарбиячи тайёргарлигининг афзалликлари ҳақида маълумот беринг.
3. Тасвирий фаолият машғулотларининг қисмлари ҳақида изоҳ беринг.
4. Тарбиячи ўтказадиган машғулотларнинг муваффақияти нималарга боғлиқ?
5-мавзу: ТАСВИРИЙ САНЪАТДА БАДИИЙ ИДРОК.(2с)
1 .Болаларнинг тасвирий фаолиятида идрок қилишнинг аҳамияти.
2. Предметларни кузатиш методлари.
3. Идрок қилишни уюштириш ва унга раҳбарлик.
Тасвирий санъатда бадиий идрок. Болаларда эстетик идрок этишни шакллантиришда тасвирий санъатнинг аҳамияти. Турли ёшдаги болалар учун санъат асарларини танлашга қўйилган талаблар, санъатни идрок этишни ташкил қилиш шакллари, санъатдан болалар боғчасини безатишда қўллаш, экскурсия, кўргазмаларни ташкил этиш ва машғулотларни ўтказиш. Таништириш методлари – суҳбат,ҳикоялар тузиш, тасвирланганда бадиий матнлардан фойдаланиш, мусиқа жўрлигида идрок этиш ва ҳоказо. Идрок этишни бошқариш методикаси.
Атрофни идрок этиш - тасвирий фаолият асосиси фатида. Идрок ривожининг сенсор асослари. Предметларни кўриш ва кўздан кечиришни ташкил этиш методикаси. Болалар бадиий идрокининг ўзига хослиги. Болалар учун бадиий асарларни танлаш. Мактабгача ёшдаги болаларни санъат асарлари билан таништириш методлари ва мазмуни. Санъат билан таништиришнинг ташкил этиш шакллари.
Тасвирий фаолият машғулотлари – бу расм чизиш, лой, аппликатсия, қуриш-ясаш машғулотларидир. Бу машғулотлар мактабгача таълим муассасасининг барча гуруҳларида аниқ бир вақтда, режим асосида уюштирилади.
Кичик гуруҳда йилнинг бошида унча катта бўлмаган гуруҳлар билан, йилнинг иккинчи ярмидан бошлаб бутун бир гуруҳ билан уюштирилади. Кичик гуруҳда машғулотлар йилнинг биринчи ярмида 5-7 минутдан аста-секин 10-15 минутгача чўзилиб борилади. Кичик гуруҳда 15-20 минутгача, ўрта гуруҳда 20-25 минутгача машғулот давом этади.
Катта тайёрлов гуруҳда 30-35 минут ўтказилади. Тасвирий фаолият машғулотларининг муваффақиятли уюштириш, унга зарур бўлган материалларни ўз вақтида тайёрлашга ҳам боғлиқдир. Бу тайёргарлик ишлари қуйидагилардан иборатдир:
1) Тарбиячи расм ва аппликатсия машғулоти учун керакли катталикдаги ва рангдаги қоғоз варақларини тайёрлайди (тасвирланадиган предметнинг тузилишига кўра). Қоғоз варағига олдиндан орқа томонига болаларнинг исми, фамилияси, машғулот ўтказиладиган сана ёзиб қўйилади.
2)Тарбиячи олдиндан қалам учларини очиб қўяди (албатта 4-5 қалам ортиқча қилиб тайёрлаб қўйилади).
3) Катта тайёрлов гуруҳларида болалар қўпроқ акварель бўёғини ишлатадилар. Олдиндан бўёқлар ҳўлланган бўлиши лозим. Мўйқаламлар яхшилаб ювилади.
4) Машғулот учун латталар, банкачаларни тайёрлаш зарур. Сув банкаларга машғулот бошланиш арафасида қуйилади.
Do'stlaringiz bilan baham: |