Fanning o’quv dasturi Oliy va o’rta maxsus, kasb-hunar ta`limi o’quv-uslubiy birlashmalari

      Surunkali  limfoleykoz  formalari.  SLL  kechishi  bo‘yicha  farq  qiladi.  A.I.  Vorobyev  (1999) 
quyidagi klinik formalarga ajratgan. 
     Yaxshi  sifatli  formasi-  JSST  klassifikatsiyasiga  kiritilmagan,  biroq    klinik  kechish  variantiga 
kiritilgan.  Bu  formadaga  limfoleykozning  substrati  follikula  markazida  gipermutabel  bosqichni 
o‘tagan, immunoglobulinlar zanjiridagi variabel qismlardagi genlardagi mutatsiyasi bor  limfotsitlar 
deb  taxmin  qilinadi.  Umumiy  qon  tahlilida  o‘zgarish  faqat  2-3  yildan  keyin  bilinadi  (undan  oldin 
emas).  Leykotsitlar  soni  asta-sekinlik  bilan  ko‘tarilib  boradi    (20-30x109/l)gacha.  Limfotsitlar 
morfologiyasi “limfotsitlar limfotsitomasiga” mos keladi. Limfotsitlar o‘lchami 10-12 mkm, aylana 

---

124 
 
yoki oval shaklida, yadrosi ekssentrik joylashgan, gomogen xromatinli, sitoplazma keng va moviy 
rangda. Taloq kattalashmagan, bo‘yin limfa tugunlari kattalashgan bo‘lishi mumkin va ular elastik 
Qonsistensiyali. O‘lchamlari yillar davomida o‘zgarmaydi. Suyak ko‘migida o‘choqli tipdagi o‘sma 
o‘sishi xarakterli (yordamchi belgi). Chunki suyak ko‘migida o‘choq hosil qilgan hujayralar  klassik 
kichik  limfotsitlarga  nisbatan  yirik  va  yorqinroqdir.  Bunday  hollarda  ko‘pincha  “limfosarkoma 
metaztazi”  tashxisi  qo‘yiladi.  Gistologik  preparatda  polimorfizmning  bo‘lmasligi  va  suyak 
ko‘migining  sitologik  punktatida  “limfotsitlar  limfotsitomasi”  bo‘lishi  to‘g‘ri  va  aniq  tashxis 
qo‘yishga yordam beradi.