Fanning maqsadi va vazifalari

KIRISH

Mehnat deganda inson resurslarining holatiga ta`sir etadigan muayyan tarixiyijtimoiy-iqtisodiy va madaniy sharoitlarda amalga oshiriladigan jarayon tushuniladi.

“Xalqaro mehnat bozori va migratsiya” fani xalqaro mehnat bozorining shakllanishi va rivojlanishi, uning taraqqiyot omillari, xaqlaro mehnat bozorining jahon iqtisodiyotida tutgan o`rni hamda dunyo mamlakatlarining xalqaro mehnat bozoridagi ishtirok etishi bilan bog`liq bo`lgan bilimlar tizimini o`rganishdan iborat.

Tashqi muhitning o`zgarib boruvchi shart-sharoitlari mehnat sifatining o`zgarib borishidan dalolat beradi. Hozirgi davrga kelib, xalqaro mehnat bozorining shakllanishi va rivojlanishi, uning amal qilish mexanizmlari, xalqaro mehnat bozorining nazariy asoslari, mintaqaviy va jahon mehnat bozorining rivojlanishi, xalqaro mehnat bozoriga ta`sir etuvchi ijtimoiy va iqtisodiy omillar, xalqaro migratsiya va uning tavsifi, xalqaro migratsiyaning omillari va oqibatlari, pul o`tkazmalari va “aqliy salohiyat oqimi” muammosi, noqonuniy migratsiyaga qarshi kurash, xalqaro mehnat migratsiyasini milliy va xalqaro miqyosda tartibga solinishi, ishchi kuchini import qiluvchi va uni eksport qiluvchi mamlakatlarda migratsiya siyosatining o`ziga xos xususiyatlarini bilish zarur bo`lib qolmoqda.

Iqtisodiyotdagi jadal o`zgarishlar, yuzaga kelgan demografik vaziyat, ro`y berayotgan globallashuv o`zgarishlar o`z navbatida insonning jamiyatdagi holati o`zgarishiga ham olib kelmoqda. Fanga asoslangan yangi ilmiy bilimlar ishlab chiqaruvchi kuchga aylanmoqda. Ishlab chiqarishning ilm talabligi, uning intellektual va innovatsion ko`rinishda namoyon bo`lishi hozirgi sharoitda jamiyat yangilanishining ob’yektiv ehtiyojlari yangi turdagi xodim va ish beruvchining shakllanishiga ko`maklashmoqda. Bu narsa o`znavbatida mehnat jarayonini boshqarishga yangicha yondashuvlar qo`llanishini taqozo etmoqda.