Fanning maqsadi va vazifalari

9. МБ нинг реляцион модел

Реляцион модел (инглизча relation - муносабат) XX асрнинг 70-йилларнинг бошларида Кодд томонидан ишлаб чиқилган. Моделнинг соддалиги ва эгилувчанлиги ишлаб чиқувчилар эътиборини тортди. 1980-йилларда у кенг тарқалди ва реляцион МББТлар стандартига айланди.

Модел реляцион алгебра тушунчалари тизимига асосланган бўлиб, улардан энг муҳими: жадвал, сатр, устун, муносабат ва бирламчи калит бўлиб, барча операциялар жадвалларни манипуляция қилишга келтирилади.

Реляцион моделда маълумотлар тўртбурчаклар жадваллар кўринишида ифодаланади. Ҳар бир жадвал қаторлар ва устунлардан иборат бўлиб, маълумотлар базаси ичида уникал номга эга бўлади.

Жадвал ҳақиқий дунё объекти - моҳиятни ва унинг ҳар бир сатри (ёзуви) объектнинг битта конкрет нусхасини - моҳиятнинг нусхасини акс эттиради. Жадвалнинг ҳар бир устуни ўз жадвали учун уникал номга эга бўлади. Устунлар жадвалда уни яратиш жараёнидаги номлар тартибида жойлашади. Жадвалда хеч бўлмаганда битта устун бўлиши керак.