Fanning maqsadi va vazifalari

42. Ma’lumotlar bazasini boshqarish tizimi:

Ma'lumotlar bazasini boshqarish tizimi bu kompyuterda turli xil ilovalar uchun umumiy ma'lumotlar bazasini yaratish, uni dolzarbligini saqlash va foydalanuvchilarning o'z vakolatlari doirasida undagi ma'lumotlarga samarali murojaatini ta'minlashga mo'ljallangan dasturiy tizimdir.

43. MBBTlar universiallik darajasiga ko’ra turkumlanishi:

MBBTlar universallilik darajasiga ko'ra, ikki sinfga bo'linadi: umumiy maqsadli MBBT (UM MBBT) va ixtisoslashtirilgan MBBT (Ix MBBT).

UM MBBT biron bir predmet sohasiga yoki foydalanuvchilarning konkret axborot ehtiyojlariga yo'naltirilmagan. Ushbu turdagi har bir tizim universal bo'lib, ma'lumotlar ustida amallarning funksional ortiqcha to'plamini amalga oshiradi. UM MBBT ma'lum predmet sohasi, faoliyat yuritish shartlari va foydalanuvchi talablariga sozlash vositalarini o'z ichiga oladi. Umumiy maqsadli MBBT - bu axborot tizimi ma'lumotlar bazasini yaratish va ishlatish bilan bog'liq barcha funksiyalar majmuini bajarishga mo'ljallangan murakkab dasturiy majmualar.

Ishlab chiquvchilarning masalalarni mavjud umumiy maqsadli MBBTlarning birortasi qoniqarli yecha olmaydigan hollarda ixtisoslashtirilgan MBBT yaratiladi. Bir nechta sabablar bo'lishi mumkin:

• 
  ma'lumotlarni qayta ishlashning talabdagi tezligiga erishilmayotganda;
  
• 
  ma'lumotlar bazasi qattiq apparat cheklovlari sharoitida ishlashi kerak bo‘lganda;
  
• 
  ma'lumotlarni qayta ishlashning maxsus funksiyalarini qo'llab-quvvatlashni talab qilganda.
  
• 
  Ix MBBT konkret masalani yechish uchun mo'ljallangan va ushbu yechimning maqbul parametrlariga quyidagicha erishiladi:
  
• 
  konkret predmet sohasining xususiyatlarini bilish tufayli,
  
• 
  tizimning funksional to'liqligini kamaytirish orqali.