Fan/modul kodi

 
 
GLOSSARIY 
Avizo
– (ital. aviso)- bank, tijorat amaliyotida hisob-kitob harakatlarining 
bajarilganligi tо‘g‘risida rasmiy xabarnoma. Bir konragent tomonidan ikkinchisiga 
jо‘natiladi. Avizo yordamida banklar о‘z mijozlarini hisob varaqalari bо‘yicha kirim 
va kredit qaydlari, hisob varaqasidagi qoldiq mablag‘lar, pul о‘tkazmalarini tо‘lash, 
chek talabnomasi akkreditiv ochish va boshqa harakatlar tо‘g‘risida xabardor qiladi. 
Tovar jо‘natuvchi tomonidan tovarni qabul qiluvchiga tovar jо‘natilgani haqidagi xat 
ham avizo deb ataladi.
Akkreditatsiya tо‘g‘risida guvohnoma
- Markaziy bankning Vakolatxona 
akkreditatsiyalangani va rо‘yxatdan о‘tganini tasdiqlovchi yozma hujjati. 
Akkreditiv
(lot. accredo - ishonaman) – pul hisob-kitob hujjati; bank majburiyati. 1) 
tomonlar о‘rtasida tuzilgan shartnomaga asosan amalga oshiriladigan hisob-kitob turi 
bо‘lib, unga kо‘ra qarz beruvchi (kreditor) belgilangan muddatlarda, kelishilgan 
shartlar asosida kelishuvda kо‘rsatilgan bank orqali о‘ziga tegishli tо‘lovlarni olib 
boradi; 2) jamg‘arma bankining aholiga kо‘rsatiladigan xizmat turlaridan biri; bank 
bо‘limining tegishli bir shaxsga ma’lum miqdordagi sо‘mlarga beradigan buyrug‘i, 
maxsus blank vositasida amalga oshiriladi. Bulardan tashqari akkreditiv turli 
shaxslarga joylashgan korxonalarning mulkiy munosabatlarida, xalqaro hisob-
kitoblarida keng qо‘llaniladi. 
Aktiv pul oboroti
- bu tо‘lov jarayonlarida bevosita ishtirok etayotgan harakatdagi 
pul massasidir.

---

411 
Aktiv tо‘lov balansi 
- tо‘lov balansida tushumlar summasi tо‘lovlar summasidan 
ortiq bо‘ladi. 
Aksept
(lat. acceptus – rozilik berilgan) – 1) pul, hisob-kitob, tovar hujjatlarini yoki 
tovar haqini tо‘lashga rozilik berish yoki tо‘lashga kafillik; 2) taklif etilgan shartlarda 
shartnoma tuzishga rozilik. Aksept yetkazib berilgan tovarlar ichki va xalqaro tovar-
pul muomalasida kо‘rsatiladigan xizmat uchun haq tо‘lash shakllaridan biri sifatida 
keng qо‘llaniladi; 3) veksel, chek va boshqa qimmatbaho qog‘ozlar, shuningdek tovar 
hujjatlari bо‘yicha hisob-kitob qilish shakli.