Fanidan tayyorlagan labaratoriya ishi

Амалий қисм Кодлар китоби

Кодлар китоби кўринишидаги классик шифрлаш биринчи жахон уруши даврида оммалашган. Кодлар китоби луғатга ўхшаш китоб бўлиб, сўзлардан (очиқ матн сўзлари) ва унга мос бўлган код сўзлардан (шифрматн) ташкил топган. Шифрлаш учун ушбу кодлар китобидан зарур бўлган сўз аниқланади ва унга мос бўлган код сўз шифрматн сифатида олинади. Дешифрлашда эса ушбу жараённинг тескариси амалга оширилади. Яъни, кодлар китобидан шифрматндаги код сўз топилади ва очиқ матн сифатида унга мос бўлган сўз танланади. Биринчи жахон уруши даврида Немислар томонидан фойдаланилган кодлар китоби наъмунаси қуйидаги жадвалда келтирилган:

Очиқ матн	Шифрматн
Februar	13605
fest	13732
finanzielle	13850
folgender	13918
Frieden	17142
Friedenschluss	17149
⋮	⋮

Масалан, “Februar” сўзини шифрлаш учун бутун сўз 5-белгили код сўз 13605 билан алмаштирилган. Юқорида келтирилган кодлар китоби, шифрлаш учун фойдаланилган бўлиб, дешифрлаш учун код сўзлар устуни бўйича тартибланган кўринишдаги код сўзлар китобидан фойдаланилган. Код сўзлар китоби ўрнига қўйиш акслантиришига асосланган бўлиб, бунда бир белги эмас балки бутун сўз, баъзида эса бутун бошли ибора ўрнига код сўз қўйилган.
Юқоридаги жадвалда келтирилган код сўзлар машҳур Zimmermann телеграмини шифрлаш учун фойдаланилган. 1917 йилда биринчи жахон уриши даврида, Германия ташқи ишлар вазири Артур Зиммерман Германиянинг Мексикадаги элчисига шифрланган кўринишдаги телеграм юборади. 5.1-расмда келтирилган шифрланган хабар Британияликлар томонидан тутиб олинади. Бу вақтда Британия ва Франция Германия билан урушаётган ва АҚШ эса бетараф ҳолатда эди.

5.1- -расм. Зиммерман телеграми

Руслар томонидан Немислар кодлар китобини зарар этган версияси тикланади ва Британияга юборилади. Мураккаб таҳлилдан сўнг, Британияликлар Зиммерман телеграми ёзилган вақтидаги кодлар китобидаги бўшлиқларни тўлдиришади ва уни дешифрлашади. Телеграмда айтилишича, Германия ҳукумати чекланмаган сувости уруши бошланишини режалаштирмоқда ва бу АҚШ билан урушга олиб келиши мумкин деган хулосага келинади. Натижада, Зиммерман ўз элчисига Мексикани АҚШга нисбатан урушда Германия иттифоқчиси бўлишга ундаши кераклигини айтади. Хусусан, Мексика Техас, Ягни Мексика ва Аризона штатларидаги ҳудудларини қайтариб олишга ундаган. АҚШда ушбу телеграмма ошкор бўлгандан сўнг, жамоатчилик Германияга қарши турди ва шундан сўнг АҚШ урушга киради. Зиммерман телеграмини тўлиқ дешифрланган кўриниши қуйидаги 5.2-расмда келтирилган.




5.2-расм. Дешифрланган кўринишдаги Зиммерман телеграм