Фанидан силлабус самарқанд 2016

Фан доирасида талабаларнинг билим, кўникма ва квалификациясига қўйилган талаб

«Бухгалтерия ҳисоби ва аудит» ўқув фанини ўзлаштириш жараёнида амалга ошириладиган масалалар доирасида бакалавр билиши шарт: бухгалтерия ҳисобининг предмети, объектлари, усул ва услублари; бухгалтерия ҳисобида қўлланиладиган мезонлар ва тамойиллар; асосий воситалар ва номоддий активларнинг ҳисоби; капитал ва молиявий инвестицияларнинг ҳисоби; ишлаб чиқариш захираларининг ҳисоби; ишлаб чиқариш жараёнларининг ҳисоби; товар-моддий заҳираларнинг ҳисоби; пул маблағларининг ҳисоби; олинадиган счетларнинг (дебиторлик қарзларнинг) ҳисоби; мажбуриятларнинг ҳисоби; хусусий капиталнинг ҳисоби; охирги молиявий натижалар кўрсаткичларининг ҳисоби; ҳисоб маълумотларини умумлаштириш; молиявий ҳисоботни тузиш; аудитнинг предмети, объектлари, усуллари; аудит ўтказишнинг умумметодологик жиҳатлари; хўжалик юритувчи субъектлар фаолияти асосий кўрсаткичларини, уларнинг активлари, хусусий капитали ва мажбуриятларини аудит кўригидан ўтказиш тартиби; аудит текширувида эришиладиган натижалар; текшириш натижаларини тегишли равишда расмийлаштириш; аудиторлик тавсияларини ишлаб чиқиш. кўникмаларга эга бўлиши: ҳисоб китоб ишларини амалга ошириш; бухгалтерия ҳисобига доир бирламчи хужжатларни тўлдириш; бухгалтерия ҳисобига доир регистрларни тўлдириш; молиявий ҳисоботларни тўлдириш. квалификацияга эга бўлиши: - корхоналарда бухгалтерия ҳисобини ташкил қилишнинг шакллари ва усуллари; хўжалик операцияларини ҳужжатлаштириш; хўжаликларни активларини баҳолаш тамойиллари ва усуллари; хўжаликлар активлари ва мажбуриятларини инвентаризация қилиш тартиби; корхоналар молиявий-хўжалик фаолияти кўрсаткичларини ҳисобга олиш; молиявий ҳисобот шаклларини тузиш; корхоналар ҳисоб сиёсатини ишлаб чиқиш ва қўллаш; корхоналарда ички ва ташқи аудитни ташкил қилиш; ҳисоб объектларини аудиторлик текширувидан ўтказиш тартиби; аудит натижаларини умумлаштириш ва расмийлаштириш. «Бухгалтерия ҳисоби ва аудит» фани умумкасбий фан ҳисобланади. Дастурни амалга ошириш ўқув режада режалаштирилган гуманитар ва ижтимоий-иқтисодий фанлардан «Иқтисодиёт назарияси», «Макро ва микроиқтисодиёт», «Менежмент ва маркетинг асослари» матеметика фанларидан етарли билим ва кўникмаларга эга бўлишлик талаб этилади.