Fanidan O`quv metodik majmua

O`qituvchi 10 minut

Ishning maqsadi: Respublikamizning pedagogik olim va amaliyotchilari ilmiy asoslangan holida O`zbekistonning ijtimoiy-pedagogik sharoitiga moslashgan ta'lim texnologiyalarini va ta'lim tarbiya amaliyotida qo`llashga intilmoqdalar.
Ta'lim texnologiyalarini o`quv jarayoniga joriy etishning asosiy shartlari quyidagilardan iborat:
-“Kadrlar tayyorlash milliy dasturi” maqsadi va vazifalarini ro`yobga chiqarish uchun ta'limni jadallashtirish zarurligi;
-ta'lim-tarbiya jarayonida o`qituvchi va o`quvchi rolini o`zgartirish zarurrligi;
-fan-texnika taraqqiyotining o`ta rivojlanganligi natijasida axborotlarni keskin ko`payib borayotganligi va ularni yoshlarga bildirish uchun vaqtning chegaralanganligi;
- kishilik jamiyati o`z taraqqiyotining shu kundagi bosqichida nazariy va empirik bilimlarga asoslangan tafakkurdan tobora foydali natijaga ega bo`lgan, aniq yakunga asoslangan texnik tafakkurga o`tib borayotganligi;
-barkamol avlodni tayyorlash talabi ularga eng ilg`or bilim berish usuli hisoblangan ob'ektiv borliqqa tizimli yondashuv tamoyilidan foydalanishni talab qilishidadir;
Ta'lim jarayoni yuqorida sanab o`tilgan beshta asosiy shartlarni barcha talablariga javob beradigan ta'limiy tadbirdir.
Ushbu tushunchalarni o`quv jarayoniga ko`chiradigan bo`lsak, o`qituvchi pedagognik o`qitish vositalari yordamida tahsil oluvchilarga muayyan sharoitlarda ko`rsatgan tizimli ta'siri natijasida ularda jamiyat uchun zarur bo`lgan va oldindan belgilangan ijtimoiy sifatli intensiv tarzda shakllantiruvchi ijtimoiy hodisa deb ta'riflash mumkin. Ta'riflar nazariyasi bo`yicha bunday ijtimoiy hodisani pedagogik texnologiya desa bo`ladi. Pedagogik texnologiya oqimi deyarli barcha rivojlangan mamlakatlarda tez tarqaladi, YUNESKO kabi nufuzli tashkilot tomonidan tan olindi va hozirgi kunda ko`pgina mamlakatlarda muvaffaqiyatli o`zlashtirilmoqda va qo`llanilmoqda.
BMT nufuzli idoralarida biri bo`lgan YUNESKOning ta'rificha,
Ta'lim texnologiyasi-ta'lim modellarining optimallashtirish maqsadida, inson va texnika resurslari va ularning o`zaro ta'sirini hisobga olgan holda, butun o`qitish va bilimlarni o`zlashtirish jarayonini yaratish, qo`llash va aniqlash tizimidir.
Yuqorida ta'kidlanganidek, ta'lim texnologiyasi tushunchasi o`qitish va o`rganish jarayoniga tizim sifatida qarashni anglatar ekan, avvalo tizim tushunchasini tushunib olish zarur.

Tizim-tartiblangan, o`zaro uzviy bog`langan va birgalikda umumiy funkstiyani bajaruvchi elementlar to`plamidir.

Misol uchun, avtomobil dvigateli bir nachta tizimlardan iborat bo`lib, har bir tizim bir nechta elementlardan tashkil topgan. Moylash tizimini ko`rib chiqadigan bo`lsak, uni tashkil etuvchi elementlardan birortasi ishlamay qolsa, yoki yomon ishlasa dvigutelning ishqalanuvchi qismlariga moy etib bormaydi va natijada dvigatel ishdan chiqadi. Ko`rinib turibdiki, tizimning faoliyati uni tashkil etuvchi har bir elementiga va o`z navbatida har bir element bir-biriga chambarchas bog`liq.
Bundan shunday xulosa kelib chiqadi: ta'lim jarayonini bir tizim deb qaraydigan bo`lsak, uni tashkil etuvchilari, ya'ni elementlariga quyidagilar kiradi:

-o`quv maqsadi;

-kutilayotgan natijalar;
-o`qituvchi;
-o`quvchi;
-ta'lim mazmuni;
-ta'lim metodi;
-ta'lim shakli;
-ta'lim vositalari;
-nazorat va baholash;
-Quyida tavsiya etilayotgan sxemada ta'lim jarayonining tuzilmasi keltirilgan.