Fanidan O`quv metodik majmua

3.1. O‘quv fani bo‘yicha talabaga mo‘ljallangan O‘UM ishlab chiqishning vositalari
Talabaning O‘UM quyidagilardan kelib chiqib ishlab chiqilishi kerak:
1) o‘quv ma’lumotining maqsadi, tuzilishi, mazmuni va hajmi;
2) talabaga DTS tomonidan belgilangan, berilgan sharoitda va o‘quv rejasida belgilangan vaqtda ta’lim maqsadlariga erishishni kafolatlovchi fan bo‘yicha ta’lim texnologiyasi.


REJA – TOPSHIRIQ
Reja – topshiriq har bir o‘quv mashg‘uloti uchun tuziladi. Jadval ko‘rinishida bajarilib, quyidagi ma’lumotlarni o‘z ichiga oladi:

• 
  Mavzuning nomi, o‘quv mashg‘uloti shakli va turi.
  
• 
  O‘quv mashg‘ulotining tuzilishi/olib borish rejasi.
  
• 
  O‘quv mashg‘uloti maqsadi.
  
• 
  Talabaning o‘quv faoliyati natijalari - ta’lim berish natijasida talaba bajarishi lozim bo‘lgan harakatlar. Ular aniq va fe’llarda (...aytadi, ....sanab beradi, .... tasniflaydi va h.k.) ifodalanib, olingan natijalarni bir xil ma’noda va haqqoniy baholash, ularni belgilangan maqsadga mos kelishini aniqlash imkonini beradi.
  
• 
  Mustaqil tayyorgarlik uchun topshiriq. Ular qisqa maslahat va ularni bajarish bo‘yicha tavsiyanomalardan iborat bo‘lgan- aytib berishlar bilan berilishi mumkin.
  
• 
  Nazorat shakli: kuzatuv-o‘quv topshiriqlarini bajarish-savol-javob shakli-test va boshq.
  
• 
  O‘quv fan bo‘yicha talaba olishi mumkin bo‘lgan, eng yuqori ball. O‘quv fan bo‘yicha talaba olishi mumkin bo‘lgan, haqiqiy ball.
  

O‘QUV-USLUBIY MATERIALLAR
O‘quv-uslubiy materiallar o‘quv mashg‘uloti maqsadi va mazmunidan tashqari, ta’lim berish texnologiyasiga muvofiq quyidagilarni o‘z ichiga oladi:

• 
  O‘quv materiallar: ma’ruzaning qisqa (tayanch) chizma va jadval ko‘rinishidagi yozmalari.
  
• 
  O‘quv guruhi uchun topshiriq, ularni bajarishning ko‘rsatkich va baholash mezonlari.
  
• 
  Talabalar o‘quv ish jarayonida amal qilishlari lozim bo‘lgan axborot beruvchi materiallar: (aqliy hujum, guruhlarda ishlash) qoidasi; (esse, referat yozishga) talablar; (keys va boshq.) materiallar.
  
• 
  O‘zini tekshirish uchun topshiriqlar (test, savol, topshiriq va mashqlar). Joriy pedagogik nazoratni va talaba tomonidan ko‘zlanayotgan ta’limiy maqsadlarga erishish darajasini doimiy o‘zi baholashni ta’minlaydi. Oraliq va yakuniy nazoratning savol va topshiriqlarini o‘z ichiga oladi.
  

O‘quv-uslubiy materiallar hajmi chegaralanmaydi. Lekin ular katta hajmli, yaxshi tuzilmaga keltirilgan va grafikli ramsiylashtirilgan bo‘lishi kerak.