Фанидан 9 м а ъ р у з а

Бундай станцияларда электр энергияси ишлаб чиқариш икки босқичдан ўтади: дастлаб манба энергияси двигатель ҳаракатининг механик энергиясига, сўнгра шу двигатель ва электр генератори ёрдамида механик энергияси электр энергиясига айлантирилади.

Ёқилғининг ёнишидан ҳосил бўлган иссиқлик энергиясидан ёки атомнинг ички энергиясидан фойдаланиб электр энергияси ишлаб чиқариладиган станцияларда энергия уч марта турдан турга айланади. Дастлаб ёнувчи матриалнинг энергияси иссиқлик энергиясига айланади, сўнг бирламчи двигателларда иссиқлик энергияси механик энергияга айланади ва электр генератори механик энергияни электр энергияга айлантиради.

Электр энергияси билан таъминлаш структура схемаси

Энергиянинг бир турдан бошқа турга айланишида исрофлар бўлади, исрофлар миқдори шу энергияни бир турдан иккинчи турга айлантирувчи қурилмаларнинг мукаммалигига боғлиқ бўлади.

Энергиянинг бир турдан бошқа турга айланишида исрофлар бўлади, исрофлар миқдори шу энергияни бир турдан иккинчи турга айлантирувчи қурилмаларнинг мукаммалигига боғлиқ бўлади.

Электр энергияси истеъмол қилинаётган, у бошқа турдаги энергияларга қайта айланади, масалан, электр двигателларида у механик энергияга; чўғланма лампаларда дастлаб иссиқлик энергиясига, сўнгра эса ёруғлик оқими энергиясига; электр печларида иссиқлик энергиясига айланади ва ҳоказо.

Бундай турдан турга айланишларда ҳам, шубҳасиз, исрофлар бўлади. Электр энергиясининг электр станциясидан истеъмол қилиш жойига узатиш жараёнида ҳам исроф бўлади.

Шундай қилиб, энергиянинг бир қисми турли машиналар, механизмлар ва қурилмаларда бўладиган исрофлар билан боғлиқ бўлган ишга, бошқа (катта) қисми эса фойдали иш бажаришга сарф бўлади. Энергия исрофи қанча кам бўлса, қурилмага (электр станцияси, айрим генератор, электр двигатели, электр узатиш линияси ва шунга ўхшашлар) нинг ф.и.к. шунча юқори бўлади. Маълумки, қурилманинг ф.и.к. қанча юқори бўлса, шунча тежамли бўлади. Масалан, электр станциясининг ф.и.к. қанча юқори бўлса, бирламчи энергия сарфи бирдай бўлгани ҳолда шунча кўп электр энергияси ишлаб чиқарилади.