Fanida n tuzuvchi: o’qt. B. Qurbonov

O’qituvchi : B. Qurbonov

O’ZBEKISTON RESPUBLIKASI
OLIY VA O’RTA MAXSUS TA`LIM VAZIRLIGI
Namangan Davlat Universiteti
Tarix fakul'teti


Vatan tarixi kafedrasi


" T A R I X SH U N O S L I K "
fanidan seminar mashg'ulotlari uchun


U S L U B I Y K O’ R S A T M A




Namangan – 2008


"Tarixshunoslik" fanidan seminar mashg’ulotlari uchun uslubiy ko’rsatma
(IV kurs talabalari uchun)

Ushbu uslubiy ko’rsatmada "Tarixshunoslik" fani seminar mashg’ulotlari uchun o’tiladigan mavzularning rejalari, rejaga muvofiq uslubiy maslahatlar, seminar mashg’ulotlariga talabalarni mustaqil tayyorgarlik ko’rishlari uchun asosiy va qo’shimcha adabiyotlar manba sifatida berilgan.

Ushbu uslubiy ko’rsatmadan tarix fakul'teti talabalari va fan o’qituvchilari foydalanishlari mumkin.


Mas`ul muharrir: t.f.n. Q. Asqarov.


Taqrizchilar: t.f.n Boltaboev S.
t.f.n. Mallaboev B.
Tuzuvchi: o’qituvchi Qurbonov B.

Uslubiy ko’rsatma "Vatan tarixi" kafedrasining 2008 yil 26-avgustdagi 1-sonli, tarix fakul'tetining 2008 yil 26 avgustdagi 1-sonli, NamDU o’quv-uslubiy kengashining 2008 yil “__” ________dagi __-sonli yig’ilishlarida ko’rib chiqilib, o’quv jarayoniga tavsiya etilgan.

Kirish.
O’zbekiston Respublikasi mustaqillikka erishgandan so’ng tarixi fani sohasida ham ulkan yutuqlarga erishildi. Istiqlol sharofati bilan yurtimiz tarixi, qadimiy madaniyatimiz tiklanmoqda va oliy qadriyat nufuziga ega bo’lmoqda.
O’zbekiston Respublikasi Prezidenti Islom Abdug’anievich Karimov o’zining bir qator asarlarida kishilar dunyoqarashi va jamiyat mafkurasining shakllanishida ijtimoiy fanlarning, xususan, tarix fanining o’rni beqiyosligini ta`kidlab o’tgan. Jumladan, Prezidentimiz tarix fani milliy mafkuraning shakllanishi uchun nechog’li ahamiyatli ekanini uqtirib: "… Tarix saboqlari insonni hushyorlikka o’rgatadi, irodasini mustahkamlaydi… shakllanayotgan jamiyatimiz mafkurasi ham tarix buloqlaridan oziqlanadi",-degan edi.
Bugun biz mustaqillik mohiyatini, uning jamiyat taraqqiyotida tutgan o’rni hamda xalq turmushidagi beqiyos ahamiyatini ulug’ bobokalonlarimiz tomonidan yozib qoldirilgan tarixiy asarlarning mazmun-mohiyatini teran anglab, o’z o’rnida samarali foydalana olishimizda namoyon bo’ladi.
Yurtimizdagi tarixiy davrlarning bevosita ko’zgusi sifatida tarixiy yozma asarlarni olishimiz mumkin. Buning zamirida shu makonda qadimdan rivojlanib, shakllanib kelgan tarixiy, madaniy an`analar asosida qaror topgan davlatlarning ijtimoiy-iqtisodiy holati va taraqqiyoti haqida batafsil, ammo uzuq-yuluq, bir-birini inkor etuvchi va to’ldiruvchi asarlar yuzaga kelgan. U bir necha ming yillik tarixiy tajriba, buyuk an`ana, tom ma`noda shakllangan madaniy-ma`naviy jarayon mahsulidir.