Фани бўйича ўҚув-услубий мажмуа

9.4. Бутун жаҳон интеллектуал мулк ташкилоти
Бутун жаҳон интеллектуал мулк ташкилотининг тарихи 1883 ва 1886-йиллардан Саноат мулкини муҳофаза қилиш Париж конвенсияси ва Адабий ва бадиий асарларни муҳофаза қилиш Берн конвенсияси қабул қилингандан бошланган. Бу Конвенсиялар "Халқаро бюролар" деб номланган ўз котибиятларини ташкил этишни кўзда тутган еди. 1893-йилда бу икки котибят "Интеллектуал мулкни муҳофаза қилиш бўйича бирлашган халқаро бю¬ролар" ёки франсуз тилида қисқартирилган БИРПИ номи остида ягона котибиятга бирлаштирилди.
Ҳозирги Бутун жаҳон интеллектуал мулк ташкилоти (қисқартирилган шаклда "БИМТ", инглиз тилида - "WИПО", франстуз ва испан тилларида — "ОМРИ") 1967-йил 14-июлда имзоланган "Бутун жаҳон интеллектуал мулк ташкилотини таъсис этиш Конвенсияси"га мувофиқ тузилган. Бу Конвенсия 1970-йилда кучга кирган.
Ҳозирда БИМТ Бирлашган Миллатлар Ташкилоти (БМТ) тизими таркибига (1974-йил декабридан) кирувчи ихтисослашган муассасадан иборат.
2001-йил 1-январига келиб ташкилот 175 давлатни бирлаштирди.

10-мавзу. Ўзбекистон миллий инновацион тизими (4 соат)

Режа:
10.1. Ўзбекистон миллий инновацион тизими ва унинг аҳамияти.
10.2. Фан, таълим ва ишлаб чиқариш интеграцияси.
10.3. Ўзбекистоннинг жаҳон бозоридаги фан сиғими юқори маҳсулотлардаги роли ва ўрни.
10.4. Ўзбекистон Республикасида технологик ва социогенетик инновациялар.


10.1. Ўзбекистон миллий инновацион тизими ва унинг аҳамияти
Ўзбекистон Республикаси Президенти И.А.Каримов таъкидлаганидек “Ўзбекистон инновацион ривожланиш турининг ҳозирги замон моделига ўтиш учун ҳамма зарур шароитларга эга. Бу модел вужудга келтирилган илмий-техникавий салоҳиятдан кенг ва самарали фойдаланишга, фундаментал ва амалий кенг жорий этишга, юқори малакали, иқтидорли илмий кадрлар сонини кўпайтиришга асосланади”¹.
Бозор иқтисодиёти шароитида нафақат ички, балки ташқи бозорда ҳам харидоргир, илм талаб ва юксак технологияларга асосланган маҳсулотлар ишлаб чиқаришнинг ўрни катта. Шу боис бутун дунёда янги ва илғор технологияларнинг бозор қиймати ошмоқда. Ўзбекистон бу борада катта салоҳиятга эга. Давлатимиз раҳбарининг илм-фанни ривожлантиришга катта эътибор қаратаётгани туфайли ушбу салоҳият юксалиб бормоқда. Ҳар йили истиқболли илмий ғоя ва лойиҳаларни амалга ошириш учун давлат грантлари ажратилмоқда. Давлат илмий-техник дастурлари доирасида рўёбга чиқарилаётган фундаментал ва амалий тадқиқотлар жаҳон илм-фани учун ҳам катта аҳамиятга эгадир. Олимлар ўз ишларини, биринчи навбатда, иқтисодиёт ва ижтимоий соҳалар олдида турган аниқ вазифаларни ҳал этишга йўналтираётир.