Фан ва тараққиёт

ИЛМИЙ КЕНГАШ ҚОШИДА ТАШКИЛ ЭТИЛГАН ИЛМИЙ СЕМИНАРНИНГ
ХУЛОСАси


Диссертация ишининг 02.00.07–Композицион, лок-бўёқ ва резина материаллари кимёси ва технологияси ихтисослигига мослиги. Диссертация иши маҳаллий нефт қолдиқларидан фойдаланиб юқори сифатли композицион қурилиш битумларини олиш технологиясини ишлаб чиқишга бағишланган бўлиб, ўзининг мазмун ва моҳиятига кўра 02.00.07-«Композицион, лок-бўёқ ва резина материаллари кимёси ва технологияси» ихтисослигига тўла мос келади.
Диссертациянинг илмий ва амалий қиймати. Тадқиқот натижаларининг илмий аҳамияти маҳаллий хомашё ресурсларидан фойдаланган ҳолда қурилиш битумлар ва уларнинг композицияларини олиш учун асос бўлганлиги билан изоҳланади. Қурилиш объектларда коррозияга қарши ва том ёпиш қопламалари учун қурилиш битумлар ва уларнинг композициялари ишлатилиши мумкинлиги аниқланган.
Тадқиқот натижаларининг амалий аҳамияти нефт қолдиқлари, ишлатилган оқартирувчи гил, нефтшлами ва фенол экстракти асосида, арзон маҳаллий қурилиш битумлар ва уларнинг композицияларини ишлаб чиқишдан иборат. Ишлаб чиқилган қурилиш битумлари ва уларнинг композицияларини қўллаш, қурилиш битумларини ишлаб чиқариш таннархини 1,5-1,6 мартагача пасайтиришга имкон беради, бу эса кўп миқдорда моддий, энергетик ва бошқа сарфларни тежалишига хизмат қилади.
Олинган натижаларнинг асосланганлиги. Диссертация ишида келтирилган илмий ва амалий натижаларнинг тўғрилиги муаллиф томонидан яратилган маҳаллий нефт қолдиқларидан фойдаланиб юқори сифатли композицион қурилиш битумларини олиш технологиясини ишлаб чиқишдаги физик-кимёвий қонуниятлар аниқланганлигидан бўлиб, етарли даражада ўтказилган лаборатория ва саноат тажрибалари натижалар асосида ишида замонавий физик, физик-кимёвий ва коллоид-кимёвий усуллари (ИҚ, силжиш кучланишининг релаксацияси, реологик, термомеханик, оптик микроскопик ва бошқалар) таҳлиллари, шунингдек олинган тажрибавий маълумотларни статистик қайта ишлашнинг математик методлардан фойдаланган холда нефт қолдиқлари ва унинг алоҳида компонентлари тизимларнинг релаксацион параметрларига таъсирининг умумий қонуниятлари ва алоҳида хусусиятлари ўрганилиб, модификациялашда релаксацион жараёнларнинг тўхтаб қолиши аниқланганлиги илмий асосланганлиги билан изохланади.