Фан усл. Таъмин лотин doc

Tuzuvchilar: 
Azimov T. D. – ToshDTU, «Chizma geometriya va muhandislik
grafikasi» kafedrasi mudiri, t.f.n., professor.
Sobirova D.U. – ToshDTU, «Chizma geometriya va muhandislik
grafikasi» kafedrasi, dotsent
Taqrizchilar:
Mirhamidov J.X.- TAQI, «Chizma geometriya va muhandislik
grafikasi» kafedrasi mudiri t.f.n., dotsent
Alimova D.Q. - ToshDTU, «Chizma geometriya va muhandislik
grafikasi» kafedrasi, katta o’qituvchi

---

Fanning o’quv dasturi Toshkent davlat texnika universitetining Ilmiy – uslubiy
kengashida tavsiya qilingan (201_ y.____________dagi «___» - sonli bayonnoma)
1. Kirish
Ushbu dasturda fan tarixi, rivoji va istiqboli, uch o’lchamli fazodagi geometrik obrazlar–
ob’ektlarni tekislikdagi ikki o’lchamli tasvirlari–proyeksiyalari-ko’rinishlarini xosil qilish tartibi
va qoidalari, proyeksiyalash usullari, ortogonal (to’g’ri burchakli) proyeksiyalar va ularning
xossalari, geometrik obrazlarni tiklanish xususiyatiga ega bo’lgan proeksiyalari, pozitsion va
metrik masalalarni turli usullarda yechilishi, yoyiluvchi sirtlarni tekislikka yoyish usullari,
chizma tuzishda Davlat standarti tomonidan qo’yilgan qoida va talablar, geometrik va proyksion
chizmachilik, rezbali biriktirish detallari va ularning birikmalari, yig’ma birlikning yig’ish
chizmasini va bunday chizmalarni detallarga ajratib, ishchi chizmalarini bajarishga qo’yiladigan
talablar bayon qilingan.
1.1. O’quv fanining maqsadi va vazifalari
Fanning o’qitishdan maqsad
- 
«Chizma geometriya va muhandislik grafikasi» fazodagi
turli uch o’lchamli ob’ektlarni va ulardagi bog’liqliklarni, tekislikdagi ikki o’lchamli chizmalar
ko’rinishidagi fazoning grafik modellari asosida shu ob’ektlarning fazoviy xususiyatlarni
tasavvur qilish, fazoviy konstruktiv-geometrik tuzilishlarini mantiqiy tahlil qilish va
umumlashtirish bilan bog’liq bo’lgan fikrlash qobiliyatlarini oshirish va rivojlantirish bo’yicha
yo’nalish profiliga mos, ta’lim standartida talab qilingan bilimlar darajasida tahminlashdir.
Fanning vazifasi - «Chizma geometriya» bo’yicha fazoning markaziy va ortogonal
proyeksiyalashga asoslangan muayyan grafik modellarini hosil qilish usullarini mukammal
egallash va bu grafik modellardan foydalanib, fazoviy ob’ektlar hamda ularning
munosabatlariga oid pozitsion va metrik masalalarni mustaqil yechishda yetarli darajada bilim,
ko’nikma va malakalarga ega bo’lishdir.