Fan: O’zbekiston milliy iqtisodiyoti Bajardi: Saidmurodov O. Tekshirdi: Sharifov Sh. Mustaqil ish Mavzu: Milliy iqtisodiyotni amal qilishini ta`minlovchi omillar reja

Ekologik va geografik omillar – hozirgi kunda eng dolzarb muammolardan biridir. Mamlakatning joylashuvi, iqlimi, tabiy resurslar bilan ta’minlanganlik darajasi. Ekologiyaga iloji boricha zarar yetkazmagan holda iqtisodiyotni yuritish zamon talabi bo’lib qolmoqda. Shuningdek ekologik omillardan bo’lgan tabiiy ofatlar ham o’z ta’sirini ko’rsatmay qolmaydi. Jumladan, suv toshqini, tornado va sunamilar aholi yashash joylari va iqtisodiy maydonlarda katta yo’qotishlarga olib kelmoqda. Shuningdek yer silkinishlari va zilzilalar ham katta talofatlar olib kelishi va iqtisodiyotga katta ta’sir ko’rsatishi mumkin. Bunga misol qilib yaqinda Turkiyadagi hodisalarni olishimiz mumkin
Jahondagi siyosiy vaziyat ham eng katta ta’sir qiladigan omillardan biridir. Biz qanchalik urinsak ham siyosatdan holi iqtisodni yarata olmaymiz. Dunyoning rivojlangan katta davlatlari o’rtasidagi nizo-kelishmovchiliklar yaqin atrofdagi davlatlarning ham milliy iqtisodiyotiga ta’sir qiladi. Bunga misol qilib hozirgacha davom etib kelayotgan Rossiya va Ukraina o’rtasidagi kelishmovchilik va urushlar fonidagi Rossiya va AQSH, qator Yevropa davlatlari qarama-qarshiliklari natijasidagi Yevropa va Rossiya iqtisodiyotidagi muammolarni ko’rsatish mumkin. Ukrainaga urush boshlagani sababli Rossiya Yevropa va AQSH tomonidan sanksiyalar yomg'iri ostida qoldi. Biroq Yevropani o’ziga ham katta ta’sir o’tkazildi. Chunki Yevropa davlatlarining asosiy neft va yoqilg’I ta’minotchisi bo’lgan Rossiya bilan deyarli aloqalar uzilgan. Natijada Yevropaning qator mamlakatlarida muammolar paydo bo’ldi.
Siyosiy omil har xil shakllarda namoyon bo’lishi mumkin. Masalan u yoki bu mahsulot yetkazib berish yoki xizmat ko’rsatishni ta’qiqlab qo’yish; embargo e’lon qilish, u yoki bu savdo-siyosiy uyushmalariga qabul qilish yoki qilmaslik; diplomatik munosabatlarni o’rnatilishi yoki buzilishi; u yoki bu harbiy-siyosiy tashkilotlarga kirish, u yoki bu davlat bilan borayotgan urush holati va hokazo. Xalqaro qarorlar va kelishuvlar ham qandaydir ma’noda milliy iqtisodiyotga ta'sir o'tkazadi. Masalan, xalqaro standartlarga javob beradigan mahsulot ishlab chiqarishga majburmiz