Fan nomi: Jismoniy madaniyat nazariyasi va metodikasi

Maktabda jismoniy tarbiya dars vazifalarini muvaffaqiyatli bajarish uchun o‘quv ishlarini rejalashtirish katta ahamiyatga egadir.
Jismoniy tarbiya bo‘yicha o‘quv faoliyatini rejalashtirish boshqa barcha fanlarning rejalashtirishidan juda keskin farq qiladi.
Harakat faoliyatiga o‘rgatish jismoniy tarbiya dasturining tuzilishi, sog‘lomlashtirish ta’lim va tarbiya vazifalarini bajarishning zarurligi o‘quvchilarning mehnat va kasb tayyorgarligini ta’minlash, bularning hammasi rejalashtirilganda hisobga olinishi kerakligidadir.
O‘quv faoliyatining asosiy xujjatlaridan biri jismoniy tarbiya bo‘yicha maktab dasturidir. Maktabda jismoniy tarbiya ishlarini rejalashtirish jismoniy tarbiya ishlarining umumiy rejasini tuzishdan boshlanadi
UMUMIY YILLIK REJA QUYIDAGI QISMLARDAN IBORAT BO‘LADI.
O‘quv ishlari.
O‘quv kuni tartibida qilinadigan ishlar
Sinfdan tashqari jismoniy tarbiya va sport ishlari
Tibbiy nazorat
Ota-onalar bilan ishlash
Xo‘jalik ishlari
Bu qismlarning miqdori reja tuzuvchining ixtiyorida bo‘ladi
Bu reja to‘liqroq bo‘lishi ham, u qadar to‘la bo‘lmasligi ham mumkin. Ammo u yil davomida jismoniy tarbiyaga doir barcha ishlar qismlarining umumiy belgilarini o‘zida aks ettirgan bo‘lishi kerak.
Bu reja qismlar bo‘yicha tuzilgan rejalarda yanada batafsilroq ochib beriladi.
Masalan:
O‘quv choraklarini rejalashtiruvchi maxsus xujjatlarda ommaviy sport kalendarida
jismoniy tarbiya jamoasining ish rejalarida
sport seksiyalarining o‘quv ishlari rejasida ommaviy sport tadbirlari batafsil yoritiladi
To‘g‘ri rejalashtirish dars o‘tkazishda shablondan qochish, jismoniy tarbiya bo‘yicha davlat dasturida nazarda tutilgan barcha o‘quv materialini o‘tish, mashg‘ulotlarga tayyorlanishda vaqtni tejash imkonini beradi. Umumiy yillik reja pedagogika kengashida muhokama qilinadi va tasdiqlanadi.