Фан дастури Олий ва ўрта махсус, касб-ҳунар таълими йўналишлари бўйича Ўқув-услубий бирлашмалар фаолиятини Мувофиқлаштирувчи Кенгашининг 201 йил " " даги сонли баённомаси билан маъқулланган

Ўқув фанининг долзарблиги ва олий касбий таълимдаги ўрни

Ушбу дастур геоинформацион тизимларининг таркиби, тузилиши, аппарат воситалари ва дастурий воситаларини ривожининг тенденцияси, истиқболи, қўлланилиши ҳамда муаммоларига тегишли масалаларини қамрайди.

Геоинформацион тизимлар халқ хўжалигининг турли йўналишларида лойиҳалаштириш, ҳисоб ишларини амалга ошириш ва шунингдек илмий-тадқиқот ишларини олиб боришда муҳим ўринни эгаллайди. Шунинг учун ушбу фан асосий фан ҳисобланиб, ишлаб чиқариш технологик тизимининг ажралмас бўғинидир.
Ушбу фан 1-курс магистратура мутахассислигига ўқитилиши мақсадга мувофиқ. “Геоинформацион тизимлари” фани мутахассислик фанлари туркумига киради ва “Компьютер технологиялари ва информатика” таълим соҳасида таҳсил олаётган магистрларга ўқитилади. Мазкур фан бошқа мутахассислик фанларининг назарий ва услубий давомчиси ҳисобланиб, мутахассислик йўналишдаги касбий фанлар ривожи учун замин бўлиб хизмат қилади.

2. 
   Ўқув фаннинг мақсади ва вазифалари
   

Фанни ўқитишдан мақсад – магистрларга замонавий геоинформацион технологиялари ва уларнинг ташкилий асослари ва амалиётга тадбиқлари бўйича билим, кўникма ва малакаларини шакллантиришдир.

Фаннинг вазифаси – магистрларга хозирги замон геоинформацион технологияларидан халқ хўжалигининг турли сохалари муаммоларини ҳал қилишда фойдалана олишни ўргатишдан иборат.
«Геоинформацион тизимлар» фанини ўзлаштириш жараёнида магистрлар:
- замонавий геоинформацион тизимлари, уларнинг яратилиш тарихи, геоинформацион тизимларининг аппарат ва дастурий таъминоти, геоинформацион тизимларида ахборот тўплаш ва ишлов асослари ҳамда воситаларини билишлари;
- геоинформацион тизимлари асосида қарорлар қабул қила олишлари, технологик жараёнларни геоинформацион тизимлари асосида интеграциялашуви, картографик ахборот тизимлари хақида тушунчаларга, хамда геоинформацион тизимлари ва жараёнларини моделлаштира олишлари хамда халқ хўжалиги масалалаларини ечишда геоинформацион тизимларининг мулоқот ва график имкониятларидан кенг фойдалана олишлари;
- геоинформацион тизимлари асосида ечиладиган муаммоларни тизимли таҳлил қила олишлари, идентификация ва синтезлаштириш масалаларини еча олишлари, худудларнинг рақамли моделларини ярата олишлари, ахборотларга ишлов беришнинг турли босқичларида геоинформацион тизимларининг визуаллаштириш воситаларидан фойдалана олишлари ва шу асосда электрон хариталар ярата олишлари керак бўлади.
Магистрлар олинган билимини амалий машғулот ва тажриба ишларида қўллай олиш қобилиятига эга бўлишлари керак.
Фанни ўзлаштириш натижасида ҳосил қилинган билим ва кўникмаларни илмий – тадқиқот ва диссертация ишларини бажаришда фойдалана олишлари керак.