Фан бўйича талабаларнинг билим, кўникма ва малакаларига қўйиладиган талаблар

3.2. Глобал маркетинг структураси
Дунё аҳолиси йилига 1,7 % катталикда ўсиб бормоқда. Демографлар планетамизда аҳолининг ўртача ўсиш суръатлари ХХI аср охирига яқинлашган сари камайиб боришини таъкидлашмоқда. Бироқ ўсиш суръатларининг камайишига қарамай аҳоли сони ўсиб бормоқда ва ҳар йили ўртача 86 миллион кишига кўпаймоқда.
Мамлакат аҳолининг сонига туғилиш ва ўлим даражаси ҳамда миграция даражаси каби табиий омиллар таъсир этади. Индустриал ривожланган мамлакатларда туғилиш даражаси камайиб бормоқда. Бу ҳолатнинг сабаби юқори маълумот даражаси, урбанизация, турмуш даражасининг ўсиши, аёллар бандлигининг ошиши, никоҳларни ва болалар туғилишининг кечиктирилиши ва бошқалар ҳисобланади. Ривожланаётган мамлакатлардан ривожланган мамлакатларга эмиграция тез ўсиб бормоқда.
Аҳолишуносликнинг муҳим тенденциялари қуйидагилардан иборатдир:

• 
  ривожланган мамлакатларда фертилликнинг такрор ишлаб чиқариш даражасидан паст даражага тушиб кетиши;
  
• 
  ривожланаётган мамлакатларда фертилликнинг камайишига қарамай тез ўсишнинг мавжудлиги;
  
• 
  кам ривожланган мамлакатлардаги тез урбанизация ва аҳолининг кам ривожланган мамлакатлардан юқори ривожланган мамлакатларга миграцияси.
  

Ўсишга йўналтирилган фирмалар акционерлик капиталини кенгайтиришга ҳаракат қилишади ва бунда улар истеъмолчиларни ўрганувчи таҳлилчиларга мурожаат қилишади. Истеъмолчиларни ўрганувчи таҳлилчилар кенг қамровли бозорнинг имкониятли сегментларини топишга ёрдам беришади ва бу сегментларнинг ресурслари фирмаларга ўсишга эришиш имконини беради. Бундай ўсишга эришиш учун аҳолишуносликнинг дунё тенденцияларининг аниқ прогнози зарур бўлади.
Аҳолининг харид қобилияти тарихан Шимолий Америка, Европа ва Японияда мужассамлашган эди. Бироқ яқин келгуси йилларда ушбу мамлакатлар аҳолининг камайишини ёки унча кўп бўлмаган ўсишини кутишмоқда. АҚШ, Канада, Исроил ва Австралия каби индустриал ривожланган мамлакатларда аҳоли салмоғи бутун ер юзи бўйича 1985 йилда 15 % ни ташкил этган бўлса, 2100 йилда 5% ни ташкил этиши кутилмоқда. Айрим мамлакатларда аҳолининг тез ўсиши прогнозлаштирилмоқда ва бу ҳолат 3.1-жадвалда берилган.
3.1-жадвал