Факультeти

Rentabellik koeffitsientlari - korxona samaradorligining muhim ko`rsatkichlari hisoblanadi. Ular korxona faoliyatida foydaning qanchaligini ifodalaydi. Bu koeffitsientlar olingan foydaning sarflangan mablag`larga nisbati yoki olingan foydaning sotilgan qurilish mahsuloti miqdoriga nisbati sifatida hisoblanadi. Tashkilot hisob-kitobida foydalanadigan bir necha ko`rsatkichlar ifodalanishi mumkinligini e`tiborga olib, undan foydalanuvchilar qo`yilgan maqsadlardan kelib chiqib rentabellik ko`rsatkichlarining qator majmuasini hisoblashlari mumkin.
Ishlab chiqarilgan mahsulotning xarajatlari qanchalik kam bo`lsa va aksincha foyda ko`p bo`lsa, ishlab chiqarish rentabelligi darajasi shunchalik yuqori hisoblanadi. Bozor iqtisodiyoti sharoitida qurilish tashkilotlarida rentabellikni oshirishning turli xil yo`llari ichida eng muhimlari quyidagilar hisoblanadi:
-narxni va foydani shakllantirish mexanizmini takomillashtirish;
-mehnat unumdorligini oshirish;
-ishlab chiqarish fondlari va birinchi navbatda, ishlab chiqarish quvvatlaridan foydalanishni yaxshilash;
-ishlab chiqarish rentabelligini ta`minlash;
-qurilish davomiyligini qisqartirish va ob`ektlarni ishga tushirishni tezlashtirish
-qurilish - montaj ishlari tannarxining kamayishi va ular sifatini yaxshilash.
Hozirgi bozor iqtisodiyotiga o`tish sharoitida rentabellik darajalarining o`sishi va ishlab chiqarish foydaligini ta`minlash har qanday pudrat tashkilotining muhim vazifasi hisoblanadi, vaholanki, endilikda uning ko`plab masalalari davlat mablag`lari hisobiga emas, balki o`zi qo`lga kiritgan mablag`lar hisobiga hal qilinadi. Shuning uchun ular bozor iqtisodiyoti sharoitida nafaqat ko`p «pul topish», foydani ko`paytirish va rentabellikni oshirishga intilishi emas, balki o`zlari ishlab topgan mablag`larini iqtisod qilishni va ulardan oqilona foydalanishni ham bilishlari kerak¹¹.

2.5-jadval. Xodimlarning yoshi va jinsi bo`yicha tarkibi