Ф. М. Закирова, Ш. Х. Позилова инновацион таълим технологиялари ва педагогик компетентлик

Инновацион фаолият қаторига қуйидаги фаолият турларини киритиш мумкин:

• 
  Амалиётда қўллаш учун мўлжалланган янги ёки такомиллаштирилган маҳсулот, янги ёки такомиллаштирилган технологик жараён яратиш бўйича илмий – тадқиқотчилик, тажриба- конструкторлик ёки технологик ишлар бажариш;
  
• 
  Янги ёки такомиллаштирилган маҳсулот чиқариш, янги ёки такомиллаштирилган технологик жараён жорий қилиш учун ишлаб чиқаришни тайёрлаш ва технологик қайта жиҳозлаш;
  
• 
  Янги ёки такомиллаштирилган маҳсулот, янги ёки такомиллаштирилган технологик жараённи синаб кўришни амалга ошириш;
  
• 
  Харажатлар ўзини оқлашига қадар янги ёки такомиллаштирилган технологик жараён қўллаш, янги ёки такомиллаштирилган маҳсулот ишлаб чиқариш;
  
• 
  Янги маҳсулотни бозор томон ҳаракатлантириш бўйича фаолият;
  
• 
  Инновацион инфратузилма яратиш ва ривожлантириш;
  
• 
  Инновацион фаолиятни амалга ошириш учун кадрлар тайёрлаш, қайта тайёрлаш ва малакасини ошириш;
  
• 
  Саноат мулки обектлари ёки махфий илмий – техник ахборотларга эгалик ҳуқуқини бошқаларга бериш ёки харид қилиш;
  
• 
  Янги ёки такомиллаштирилган маҳсулот , технологик жараён яратиш ва амалиётда қўллаш бўйича экспертиза , маслаҳат, ахборот, юридик ва бошқа хизматлар кўрсатиш;
  
• 
  Инновацион фаолиятни молиялаштиришни ташкил этиш.
  

Инновацион фаолият субъектларига қуйидагиларни киритиш мумкин:

• 
  Инновацион фаолият билан шуғулланадиган юридик ва жисмоний шахслар;
  
• 
  Инновацияларни амалга оширувчи турли мулкчилик шаклидаги инновацион корхоналар;
  
• 
  Инновацион фаолият жараёнида амалга ошириладиган интеллеcтуал мулк эгалари:корхона лойиҳалари, қурилмалар, саноат намуналари, технологик жараёнлар, “ноу-хау”, кашфиёт ва ихтиролар муаллифлари, дизайнерлар;
  
• 
  Инновациялар амалга оширишда капитал киритувчи инвесторлар: банклар, фондлер, корпоратсиялар, лизинг фирмалари ва б.;
  
• 
  Инновацион жараёнга хизмат кўрсатадиган ва унинг инфратузилмасини таъминлайдиган воситачилар: консалтинг ва инжиниринг фирмалари, технологик инкубаторлар, технопарклар, технополислар, ахборот марказлари ва б.;
  
• 
  Инновацион фаолиятни бошқариш , мувофиқлаштириш ва тартибга солишда иштирок этадиган давлат органлари ва маҳаллий ўзини-ўзи бошқариш органлари.