Ф. Жуманова, С. Авазова, Г. Жобборова, У. Хуснетдинов

“Баҳс-мунозара” методининг босқичлари:
1) таълим берувчи мунозара мавзусини танлайди ва унга оид 2-3 та са-
вол ишлаб чиқади; 
2) таълим берувчи таълим олувчиларга муаммоли саволларни кетма-кет 
ташлайди ва уларни мунозарага таклиф этади; 
3) таълим берувчи қўйилган саволларга берилган жавобларни, яъни тур-
ли ғоя ва фикрларни ёзиб боради ёки бу вазифани таълим олувчилардан бирига 
юклайди. Бу босқичда таълим олувчиларнинг ўз фикрларини эркин баён эти-
шига тўлиқ шароит яратилади; 
4) таълим берувчи таълим олувчилар билан биргаликда билдирилган 
фикр ва ғояларни гуруҳларга ажратади, умумлаштиради ва таҳлил қилади; 
5) таҳлиллар натижасида қўйилган муаммонинг энг мақбул ечими танла-
нади. 
“Б/Б/Б” стратегияси ёки график органайзери 
 
Б/Б/Б стратегияси жадвалининг график шакли ностандарт (эркин) та-
факкурни ривожлантириш технологиясига асосланган жараённинг учта босқи-
чини акс эттиради: сўров (ёдга тушириш); тушуниш (англаш); рефлексия (ўз-
ўзини таҳлил қилиш), яъни Б – биламан; Б – билишни хоҳлайман; Б – билиб 
олдим.
Бу стратегия қуйидаги вазифаларни ечишга имкон беради: 
1) таълим олувчиларнинг ўз билимлари даражасини аниқлаш, ўқув мате-
риалини ўрганишни режалаштириш ва билимидаги бўшлиқларни тўлдириш 
кўникмаларини шакллантириш; 
2) ўқишга қизиқишни ошириш ва ўрганилаётган материалга қизиқишни 
намоён этиш учун шарт-шароитлар яратиш; 

---

522 
3) олинган ахборотни ўрганилаётган мавзу бўйича ўз тасаввурлари би-
лан ўзаро таққослаш кўникмасини шакллантириш. 
 “Б/Б/Б” жадвали билан ишлаш бутун дарс давомида, яъни унинг уч бос-
қичида амалга оширилади:
1) “ёдга тушириш” босқичида ўқитувчи болаларга қуйидаги вазифани 
қўяди: мавзу бўйича нимани билсангиз, ҳаммасини эсланг ва уларни жадвал-
нинг биринчи устунига ёзинг. Ўқувчи жадвалнинг “Биламан” устунини тўлди-
риб, унда мавзу бўйича ўзи билган барча нарсалар рўйхатини келтиради;
2) ”тушуниш” босқичида ўқитувчи болаларга қуйидаги вазифани қўяди: 
ушбу мавзу бўйича нималарни билишни хоҳлайсиз? Ўқувчилар ўзларида мав-
жуд бўлган билимларга асосланган ҳолда янги тушунчаларга эга бўлишади; 
3) “ўз-ўзини таҳлил қилиш” босқичида, яъни дарснинг якунида ўқитувчи 
болаларга қуйидаги вазифани қўяди: дарс бошланишида қўйилган барча са-
волларга жавоб топдингизми ёки йўқ? Агар “ҳа” жавоби бўлса, болалар “Би-
либ олдим” устунини тўлдирадилар, “йўқ” жавоби бўлса, янги манбалар усти-
да ишланиб, тегишли саволларга жавоб топилади.