Ф. Жуманова, С. Авазова, Г. Жобборова, У. Хуснетдинов

 

Ақлий тарбия 
 
 
 Аҳлоқий тарбия
 

---

440 
5. Бу жаҳонда яхшилик ва ёмонлик мукофоти, албатта, етгусидур. Яхши-
ликнинг яхшилик билан қайтиши айни ҳақиқатдир (Кайковус). 
6. Инсонда икки нарса бўлса, унга мурувват йўли ёпилади: бири бехуда 
сўзларни кўп гапирса, иккинчиси, унинг сўзлари ёлғон бўлса (Аҳмад Югна-
кий). 
 
8-топшириқ. Муаммоли саволлар. 
Қуйида келтирилган муаммоли саволлар билан танишинг ва уларни ҳал 
этинг:
1. Тўртинчи синф ўқувчилари шуҳратпарастлик ва манманлик тушунча-
ларининг мазмуни бир хил ёки бошқача эканлиги тўғрисида баҳслашиб қол-
дилар. Нима учун болалар бу масалани тушуниб олишлари қийин? Уларга 
қандай қилиб ёрдам бериш мумкин? 
2. “Унинг виждони тоза эмас”, “Бу – виждонсиз киши”, “Бу ишни қилиш-
га менинг виждоним йўл қўймайди” деган гапларни сиз қандай тушунасиз? 
Виждоннинг киши ахлоқий тарбиясига қандайдир алоқаси борми? Бўлса, бу 
қандай алоқа? 
3. Телевидение орқали намойиш этилаётган чет эл сериалларининг ёшлар 
тарбиясига қандай ижобий ва салбий таъсири бор деб ўйлайсизми? Уларни 
томоша қилиш ва унга муносабат билдиришда ота-оналар қандай йўл тутиш-
лари лозим, деб ҳисоблайсиз? 
4. Сиз инсонларда қадрлайдиган, улуғлайдиган ахлоқий фазилатлар қай-
силар ва Сиз “ахлоқсизлик” деб қарайдиган сифатлар нималар? 
 
9-машғулот: Оила тарбияси. Коррекцион педагогика 
Режа: 
1. Оила ва маҳалла. Оила ва маҳалла тарбияси. 
2. Оилаларнинг таркиби, эркак ёки аёл устунлиги ва ўзаро муносабат-
лар сифатига кўра турлари. 
3. Оиланинг тарбиявий вазифалари. 
4. Оиланинг психологик-педагогик маданияти. 
5. Оила йиллари. 
6. Таълим муассасасининг оила билан олиб борадиган иш шакллари. 
7. Коррекцион педагогика, махсус педагогика, дефектология. 
8. Сурдопедагогика, тифлопедагогика, олигофренопедагогика, лого-
педия