Ф. Жуманова, С. Авазова, Г. Жобборова, У. Хуснетдинов

тиш), кўпроқ дўстона муносабатда бўлиш; ҳаётда маънавий ёрдамга муҳ-
тожларга кўмаклашиш; ҳар кимга табиат берган қобилият даражасига 
мувофиқ ўз хохиши билан ҳаракат қилиш ҳуқуқини бериш ва ш.к.
4. Неотомизм. Неотомизм – католик диншуноси Томас номи билан атал-
ган фалсафий таълимот. Ўрта аср ақидапарасти ўтмиш элчиси ва келажак пай-
ғамбари сифатида улуғланган, дин эса инсон ва унинг тарбиясини бошқаради-
ган абадий ва асосий фалсафа ҳисобланган. Неотомистлар объектив ҳақиқат 
борлигини тан олишади, аммо бу воқеликни Худонинг иродасига боғлашади. 
Дунё “илоҳий ақл”нинг тимсолидир, теология (илоҳиёт) эса илмнинг энг олий 
даражасидир. Неотомистлар фикрича, дунёнинг моҳияти фан томонидан ту-
шунарсиз талқин этилади. Дунёнинг моҳиятини фақат “буюк ақл эгаси” – Ху-
дога мурожаат қилиш орқали билиш мумкин. Фанга одамни ўраб турган мод-

---

145 
дий дунёнинг бир қисмигина очиқдир. Шу сабабли ёшларни диний қадриятлар 
асосида маданият билан таништириш, бунда таълим, фан ва дин ўзаро алоқа-
дор бўлиши, бир-бирини тўлдириши керак: фанга ер юзидаги табиий ҳодиса-
лар, динга табиат қонунларига бўйсунмайдиган руҳий ғоялар соҳаси берилган. 
Замонавий неотомизмнинг таниқли вакили француз файласуфи Ж. Мари-
тен ҳисобланади. У. Каннингам, У. Макгакен (АҚШ), М. Казотти, М. Стефани-
ни (Италия), В. фон Ловених (ГФР), Р. Ливигстон (Англия), Е. Жильсон (Фран-
ция) неотомизмнинг таниқли вакилларидир. 
Неотомизм педагогикасининг асосий қоидалари инсоннинг “дуал – икки 
томонлама табиати” билан белгиланади. Одам материя ва руҳнинг бирлигидан 
вужудга келади, шунинг учун айни пайтда ҳам индивид, ҳам шахс ҳисобла-
нади. Одам индивид сифатида табиат ва жамиятнинг барча қонунларига бўй-
сунадиган жонли мавжудот, шахс сифатида ўлмас руҳ – “илоҳий мавжудлик” 
органига эга. Фан - таълим-тарбия мақсадларини аниқлашга ожиздир. Буни 
фақат дин амалга ошириши мумкин. Энг муҳими - руҳ (жон), демакки, таълим-
тарбия руҳий (маънавий) тамойилга асосланиши керак. 
Неотомизм педагогикаси умуминсоний фазилатларни тарбиялаш тараф-
дори: меҳр-оқибат, инсонпарварлик, ҳалоллик, яқинларга муҳаббат, фидоий-
лик ва ш.к. Неотомистлар фикрича, умуминсоний фазилатлар ўзини-ўзи ҳало-
катга олиб борувчи цивилизацияни сақлаб қолиши мумкин. “Одам табиатига 
зид икки тамойилга асосланган дунё: фойда ва манфаатпарастликка интилиш
- эҳтиёж ва қулликни доимий кўпайтириб боради” (Ж. Маритен). 
Тарбиянинг мақсади христиан аҳлоқидан келиб чиқиши, яъни ер юзидаги 
одамларни насроний қилиш, ўзга дунёда уларнинг ҳаётига ғамхўрлик қилиш, 
руҳини (жонини) қутқариш бўлиши лозим, шунингдек фан ўқитувчилари ўз 
фаолиятида Худони унутмаслиги керак (Ж. Маритен, У. Макгакен). Католик 
мактаблари Италия, Португалии, Испания, Ирландия, Бельгия, Франция, ГФР, 
Польша каби мамлакатларда машҳурдир.