F. I. Salomova, L. K. Abdukadirova, X. A. Sadullayeva, S. A. Sharipova mutaxassislikka kirish

8.3. Ishlab chiqarish muhitidagi fizikaviy omillarning gigiyenik 
ahamiyati, ularning zararli ta’sirini oldini olish tadbirlari 
 
Ishlab chiqarish muhitidagi fizikaviy omillar guruhiga juda katta 
guruhdagi omillar kiritilib, bu omillar deyarli barcha sanoat korxonalari 
uchun xosdir.  Fizikaviy omillarning eng muhim turlaridan biri nomu-
vofiq mikroiqlim hisoblanadi. Respublikamizning iqlim sharoiti uchun 
bu omilning ahamiyati juda kattadir, chunki regionimizdagi kontinental 
iqlim korxonalardagi ishlab chiqarish mikroiqlimiga sezilarli ta’sir ko‘r-
satadi, demak ishchilar organizmiga ham befarq emas demakdir. 
Gigiyena nuqtai-nazardan ishlab chiqarish muhitidagi mikroiqlimni 
ikki guruhga bo‘lish mumkin: qizdiruvchi (o‘ta qizdiruvchi) va sovituv-
chi mikroiqlim. 
Qizdiruvchi mikroiqlim ko‘p jihatdan quyidagi korxonalar uchun 
juda xosdir, chunonchi, texnologiyasi bo‘yicha o‘zidan issiq tarqatuvchi 
manbalari bor bo‘lgan korxonalar,  metallurgiya korxonalari, kimyoviy 
reaktorlar, eritish, qizitish va boshqa turdagi issiqlik orqali ishlov berish 
jarayonlari kabilar. Ta’kidlash lozim-ki,  o‘zidan issiq chiqaruvchi 
manbalar deyarli barcha korxonalarda bor, demak-ki,  O‘zRning issiq 
iqlimi sharoitida yoz faslida ishchilar organizmiga nomuvofiq ta’sir 
etuvchi mikroiqlim sharoitini vujudga keltirib chiqaradi. 
Qizdiruvchi mikroiqlim uchun yuqori harorat, past havo harakati, 
havoning quruqligi (ayrim korxonalarda yuqori harorat yuqori namlik 
bilan birgalikda uchraydi (temir-beton konstruktsiyalari ishlab chiquvchi 
zavodlar, tekstil sanoati korxonalari kabilar). Bundan tashqari, bunday 
korxonalar uchun qizigan jihozlarning mavjudligi ham juda xos bo‘lib, 
infraqizil nurlanishlarning manbai hisoblanadi va uning ta’siri oqibatida 
uning umumiy ta’siridan tashqari, katarakta kasalligi rivojlanishi 
mumkin.