Ҳәзирги күнде энергетика ресурсларынан өнимли пайдаланыўға дүняның барлық мәмлекетлеринде үлкен әҳмиет берилмекте

Интеграллаў қурылмасы – еки киритилген өзгермели параметрлерден интеграл функция алыўға мөлшерленген қурылма.
Иске түсириў – электр мотор ҳәм генераторларды жүргизип жибериў.
Каскад – электр машиналар ҳәм ҳәр түрли қурылмалардың избе-из жайласқан, бирдей дүзилиске ийе болған топары.
Кешке қалыў блоки – берилген ўақыт аралығында кешигиў менен сигналларды қайта тиклеў ушын қолланылатуғын электрон модуляция қурылма.
Коммутация – электр шынжырларының үзилиў-жалғаныў сыяқлы өтиў процесслериндеги ток ҳәм кернеўлер өзгериўи ҳәмде олар менен байланыслы басқа процесслер.
Кернеў өлшеў трансформаторы – дүзилиси күш трансформаторларына уқсас болып, волтметр ҳәм кернеўди өлшейтуғын басқа әсбапларының өлшеў шегараларын кеңейтириўши трансформатор.
Микропроцессорлы басқарылатуғын электр жүритпе – басқарыў системасында берилген жумыс режимин тәмийинлеўши алгоритми болған микропроцессорлы басқарыў системасына ийе болған электржүритпе.
Микроконтроллерли басқарылатуғын электр жүритпе – басқарыў системасында берилген шекленген жумыс режимин тәмийинлеўши алгоритми болған микроконтроллерли басқарыў системасына ийе болған электржүритпе.
Механикалық ысыраплар – сүйкелисинде болатуғын ысыраплар. Мәселен, турақлы ток генераторларында подшипниклердеги сүйкелис, айланыўшы бөлимлериниң ҳаўаға ҳәм шеткалардың коллекторға сүйкелиси себепли пайда болған ысыраплар.
Модел – қандайда бир нәрсениң тап өзиндей етип ямаса үлкейтип исленген нусқасы, үлгиси.
Әпиўайы индивидуал электр жүритпе – электр мотор жумыс машинасының өзине орнатылатуғын ҳәм оның кинематикасы ҳәмде дүзилисин анағурлым жетилистириў талап етилетуғын жүритпе.
Реактив қуўат – электр шынжырының индуктивлик ҳәм сыйымлылық элементлеринен ток өткенде пайда болатуғын қуўат.
Сумматор – кириў бөлимине берилип атырған аналог ямаса санлы электр сигналлар үстинде қосыў әмелин орынлап шығыў бөлиминде олардың нәтийжесин бериўши қурылма.