Ҳәзирги күнде энергетика ресурсларынан өнимли пайдаланыўға дүняның барлық мәмлекетлеринде үлкен әҳмиет берилмекте

5.8. ИСЛЕП ШЫҒАРЫЎ ШӘРАЯТЫНДА ЭНЕРГИЯ ҮНЕМЛЕГИШ КОНТРОЛЛЕРЛИ АСИНХРОН ЭЛЕКТР ЖҮРИТПЕНИ СЫНАЎДАН ӨТКЕРИЎ


Контроллердиң таярланған тәжирийбе макети үлгиси Бекобод қаласында жайласқан металлургия заводында ҳаўаны қыздырыўшы қурылмалар ҳәмде вентилятор ҳәм компрессор жүритпелеринде сынаўдан өткизилди. Бунда асинхрон мотордың талап етилетуғын толық қуўаты орташа 35% ға азайды. Кернеўди тиристорлы өзгерткиштиң жоқары токлы бөлими қарама-қарсы параллел жалғанған тиристорлардан ибарат болды. Буннан тысқары, нефт ҳәм газ қазып шығарыў ҳәм оларды узатыў объектлериниң насос агрегатларында сәтли сынаўдан өтип, орташа 40 – 45% ға энергия үнемлениўге ерисилди.


5..9. ЭНЕРГИЯ ҮНЕМЛЕГИШ КОНТРОЛЛЕРЛИ АСИНХРОН ЭЛЕКТР ЖҮРИТПЕНИ ЖАРАТЫЎ УШЫН ЖУМСАЛАТУҒЫН ҚӘРЕЖЕТЛЕР ҲӘМ ОЛАРДЫ ҚАПЛАЎ МҮДДЕТИ


Энергия үнемлейтуғын контроллердиң оптималластырылған блокин бар болған кернеўдиң үлгили тиристорли ретлегишлериниң басқарыў системасына қосымша рәўиште жалғаў мүмкин.
Бунда оптималлайтуғын блок пенен басқарыў системасының шамалап баҳасы жоқары токли блоклар баҳасының 50% ин қурайды.
Энергия үнемлейтуғын контроллердиң қәрежетлерин қапланыўының шама менен мүддети, мотордың қуўатына қарап 4 – 6 айға шекем барады. Электр мотордың қуўаты артыўы менен энергия үнемлейтуғын контроллерди энергия үнемлеў эффективлиги асып барады.
5.10. ЭНЕРГИЯ ҮНЕМЛЕГИШ КОНТРОЛЛЕРЛИ АСИНХРОН ЭЛЕКТР ЖҮРИТПЕНИҢ ТӘЖИРИЙБЕ САНААТ ПАРТИЯСЫН ИСЛЕП ШЫҒАРЫЎДЫ ШӨЛКЕМЛЕСТИРИЎ ҲӘМ СЕРИАЛЫ ИСЛЕП ШЫҒАРЫЎ


Заманагөй элементлер базасында (санлы микропросессорлы элементлер) жыйналған энергия үнемлегиш контроллерди массалық қолланылатуғын, қуўаты 0,6 кВт тан 500 кВт ҳәм оннан үлкен асинхрон моторлы электржүритпелер ушын, алдын тәжирийбе санаат партиясын, соңынан сериалы ислеп шығарыўды жолға қойыўды әмелге асырыў мүмкин.
Соның менен бир қатарда тезлиги частота менен ретленетуғын асинхрон электржүритпеге ҳәм асинхрон-вентилли каскад ушын қолланатуғын энергия үнемлейтуғын контроллерлерди ислеп шығарыўды жолға қойыў мүмкин.
Улыўма дүнья энергетика ҳәм басқа тараўларда кризислердиң тез-тез болып турыўын итибарға алған жағдайда, электр энергияны энергия үнемлегиш автоматластырылған электржүритпелер жәрдеминде үнемлеў мәселеси биринши дәрежели ўазыйпа болып табылады.
Энергия үнемлегиш автоматластырылған электржүритпелерге бүгинги күнде ҳәм келешекте тек ғана ҒМДА мәмлекетлеринде, ал раўажланған, соның ишинде, Европа мәмлекетлеринде де талап үлкен болады.