Ҳәзирги күнде энергетика ресурсларынан өнимли пайдаланыўға дүняның барлық мәмлекетлеринде үлкен әҳмиет берилмекте

Энергияны үнемлеўде салыстырма жумсалыўлар – ислеп шығарылып атырған өнимлер муғдарын өзгертпеген дағдайда бир жыл ишинде бирлик өним ушын жумсалатуғын энергия түсиниледи. Бул атама әдетте пайданы есаплаўда қолланылады.

1.2.Энергияны пассив үнемлеў
Жыллылық изоляциясы – электротехник, электромеханик ҳәм электротермик қурылмаларын сыртқы дөгерек пенен керексиз ыссылық алмасыўынан асыраў, яғный жыллылық ысырбын азайтыў.
Жыллылық узатыў – электротехник, электромеханик ҳәм электротермик қурылмалар бөлимлеринен ҳаўа ҳәм газли дөгерек арқалы жуллылықтың узатылыўы.
Жыллылық жеткизиўшенлик – өз-ара контактта болған электротехник, электромеханик ҳәм электротермик қурылмалар бөлимлеринде жыллылықтың бир бөлиминен екиншисине узатылыўы.
Энергия экономикалық қурылмалар – яғный жыллылық ҳәм электроэнергия жумсалыўын ең минимал шамаларында пайдаланып атырған қурылмалар.
Энергия үнемлеўши қурылмалар – ислетилиўи дәўиринде жүклениў дәрежеси қандай болыўына қарамастан пайдалы жумыс коэффициенти ҳәм қуўат коэффициенти ең жоқары болған жумыс режиминде ислеўши электр қурылмалар.


Ислеп турған энергетикалық ҳәм энергия пайдаланыўшы қурылмаларда актив үнемлеў


Биналарды кондиционерлер жәрдеминде ысытыў ҳәм ҳаўасын турақлы бир жөнкилли етиўди арнаўлы дәстүрлер ҳәм техникалық қураллар арқалы әмелге асырыў.
Жүклениўи бойынша оптимал басқарыў – санаат қурылмаларындағы энергия сарпланыўын жүклениў дәрежесине қарап арнаўлы қурылмалар жәрдеминде оптимал басқарыў.
Жүклениўлерди ретлестириў – санаат қурылмаларында жәрдемши қурылмалар ҳәм әсбаплар жәрдеминде әмелге асырылады.
Өтиў процессин шегаралаў – санаат қурылмалары исши механизмлериниң бир ис режиминен екиншисине өтиў ўақтын арнаўлы қурылма ҳәм дәстүрли басқарыў тийкарында шегаралаў.


Ислеп турған энергетикалық ҳәм энергия пайдаланыўшы қурылмаларда екилемши шийки зат, екилемши энергия ресурсларынан пайдаланатуғын қосымўша үскенелер жәрдеминде энергияны актив үнемлеў
Биоэнергетика – үй ҳайўанлары ҳәм қуслардың органикалық шығындыларынан, қала ҳәм аўылларда жүзеге келетуғын турмыстағы шығындылардан жаныўшы газ пайда етиўши энергетиканың раўажланып киятырған тараўы.