Excel keste processorı hám elektron hújjetler menen islew texnologiyası. Joba

3. MS Excel standart funkciyalar tiykarında diagramma hám grafiklar qurıw.
Funkciya dúziw ustası
Basqa jaǵdayda bolsa tuwrınan - tuwrı formulalar menyusına kirisiw ushın programma aynasındaǵı (yacheykalar adresin kórsetip turatuǵın maydandıń ońında jaylasqan ) túymesinen paydalanamız yamasa 86 -súwrettegi “funkciyalar aynasına kiriw túymesi” arqalı da kiriwimiz múmkin. Hár bir funkciyadan paydalanıp atırǵan waqıtta, birinshi bolıp formula arqalı esaplanǵan nátiyje qaysı yacheykaǵa shıǵıwın anıqlaw kerek, yaǵnıy kursor nátiyje shıǵıwı kerek bolǵan yacheykada turıwı kerek. Solay eken túymesin basqanımızdan keyin “funkciyalar áynekshesi” tómendegi kóriniske iye.

86 – súwret. Funkciyalar aynası
Súwrette kórinip turıptı, olda, “ Категория” maydanınan formula qaysı túrge tiyisliligi belgilenedi (mısalı logikalıq, matematikalıq.... ) hám “Выберите функцию” maydanınan kerekli bolǵan formula tańlanıp “OK” túymesi basıladı hám nátiyjede tómendegi ayna payda boladı (87-súwret).

87- súwret. “Сумма” formulası aynası
Bul jerde “Число1”, “ Число 2”.... lar maydanına qosındıda qatnasıp atırǵan yacheykalar adresi kiritiledi. Mısalı C3 yacheykadan R5 yacheykaǵa shekem bolǵan sanlardı qosıw ushın “Число1” maydanına S3:R5 dep jazıladı. “OK” túymesi basılatuǵın bolsa belgilengen yacheykada kórsetilgen yacheykalardaǵı sanlar jıyındısı ma`nisi payda boladı. Tap sonday basqa standart funkciyalardan da paydalanıw múmkin.
• Matematika, arifmetika hám trigonometriya funkciyaları;
• Sáne hám waqıt penen islew funkciyaları;
• Finanslıq funkciyalar;
• Informaciya menen islew funkciyaları;
• Dizbekler menen islew funkciyaları;
• Maǵlıwmatlar bazası menen islew funkciyaları;
• Statistika funkciyaları;
• Tekst funkciyaları.
Microsoft EXCEL programmasında diagramma jaratıw ushın “Вставка” menyusındaǵı “Диаграммы” bóliminden paydalanıladı (88- súwret).

88– súwret. “Диаграммы” bólimi

Diagramma payda etiw ushın dáslep kerekli bolǵan yacheykalardı belgilew kerek. Keyin Diagrammalar menyusına kirip gistogramma túri saylanadı hám tıshqanshanıń shep túymesi bir ret basıladı. Sonda belgilengen maydan ushın gistogramma payda boladı.

Diagrammalar menyusınan “Гистограмма” túymesi basıladı hám túri saylanadı hám tómendegi grafikke iye bolamız.

89– súwret. Mániske sáykes gistogramma kórinisi