Excel dasturida jadvallar bilan ishlash. Reja; I. Kirish

2.2 Microsoft Excel elektron jadvalining imkoniyatlari.
Excel nafaqat berilganlarni kiritish, saqlash, tanlash balki, tahlil qilish, ularni diagrammalar, grafiklar ko‘rinishida tasvirlash, xatto so‘nggi versiyalarida Web- sahifalarga joylashtirish, murakkab ma‘lumotlar bazasi bilan ishlash imkoniyatlariga ham ega. Quyida Exceldan foydalanish uchun eng zarur imkoniyatlar bilan tanishamiz:

• 
  Varaqlardan foydalanish. Bu elektron jadvaldan foydalanishdagi boshlang‘ich tushunchalardan biri bo‘lib, unda qatorlar va ustunlar joylashadi. Varaqlarga sarlavha qo‘yiladi. Uni o‘zgartirish, yo‘qotish va yangi varaqni qo‘shish mumkin. Ma‘lumotlarni kiritish. Odatda ikkinchi qadam bo‘lib, kataklarga turli ma‘lumotlarni kiritish tushuniladi.
  
• 
  Ma‘lumotlarning ko‘rinishini o‘zgartirish. Matn va sonlarga o‘ziga xos ko‘rinish berishni anglatadi.
  
• 
  Formulalardan foydalanish. Sonlar bilan ishlashda albatta ma‘lum xisoblarni bajarishga to‘g‘ri keladi. Excelda murakkab formulalarni yozish yoki tayyor standart funktsiyalardan foydalanish imkoniyati mavjud.
  
• 
  Grafik va diagrammalarni hosil qilish. Jadvalga kiritilgan sonli ma‘lumotlarning diagrammalari va grafiklari hosil qilinadi.
  
• 
  Rasmlarni qo‘shish. Jadvallarni tushunarli va ko‘rgazmali ravishda tasvirlash uchun diagrammalar va rasmlar kiritiladi. Shuningdek, berilganlarni tasvirlash uchun kartalardan ham foydalanish mumkin.
  
• 
  Web-sahifalardan foydalanish. Web-sahifalardagi berilganlarni olib ulardan foydalanish va ularga qayta ishlangan ma‘lumotlarni jo‘natish.
  
• 
  Import qilish. Boshqa elektron jadvallarda tayyorlangan ma‘lumotlarni qabul qilish va turli formatlarda yozish.
  
• 
  Berilganlarni tahlil qilish. Berilganlarni tekshirish, ulardan umumlashgan jadvallar tayyorlash.
  

Bundan tashqari, Excelda ishlash jarayonining o‘zini qulaylashtirish uchun qator imkoniyatlar yaratilgan.

• 
  Ro‘yxatni avtomatik ravishda to‘ldirish;
  
• 
  Diagrammalarni qurishda ko‘p qadamli tanlovdan foydalanish;
  
• 
  Matnning rangi va o‘lchamlarini oldindan ko‘rish;
  
• 
  Umumlashgan jadvallarni dinamik tasvirlash;
  
• 
  Tayyor jadvalni to‘g‘ridan-to‘g‘ri Web-sahifaga kiritish, Web-sahifadan olish va xokazo.
  

Umuman elektron jadvallarning imkoniyatlarini ularda amaliy ishlash davomida kengroq o‘rganish mumkin bo‘ladi.