Етт гуруҳ талабалари учун «Механика» (машина деталлари) фанидан курс лойиҳаси топшириқлари

Reduktor detallariga o‘tqazish – qo‘yish va chizmani tayyorlash.
Chizma masshtab bo‘yicha ikki ko‘rinishda chiziladi. Kirmak g‘ildiragining bronzali chambari cho‘yan asosga N7/r6 o‘tkazish bilan o‘rnatiladi.
7.11. Moyning turini tanlash.
Kirmak o‘ramlari va g‘ildirak tishlarining ilashish joyi va podshipniklarga yetib borishi uchun moyning suyuq turi tanlanadi. Moyning yopishqoqligi 15∙10^-6 m²/s bo‘lishi shart. Aviatsiya moyi AC – 22 tanla­nadi.
7.12. Reduktorni yig‘ish.
Reduktorni yig‘ishdan oldin korpus yaxshilab tozalanadi. Keyin moyga chidamli bo‘yoq bilan bo‘yaladi. Yig‘ish chizma quyidagi tartib bo‘yicha olib boriladi. Birinchi holda kirmak valiga sovutuvchi parrak kirgiziladi va sharikli radial – tirgak podshipniklar o‘rnatiladi. Podshipniklar o‘rnatishdan oldin 80 – 100°C gacha qizdiriladi. Keyin kirmak vali reduktorning pastki korpusiga o‘rnatiladi. Agar kirmak val bilan birga tayyorlangan bo‘lsa, kirmakning diametri korpusdagi podshipnik o‘rnatiladigan teshikdan kichik bo‘lishi kerak. Biz o‘rnatayotgan holda kirmak diametri d_a1 = 96 mm, podshipnikning tashqi diametri D = 100 mm. Podshipnik № 46309.
Kirmak g‘ildiragini korpusga o‘rnatishdan oldin uning valiga shponka joylashtiriladi, so‘ngra kirmak g‘ildiragini zichlab o‘rnatiladi. Keyin unga tirab turguvchi vtulka kirgiziladi. Valga rolikli konussimon podshipnik moyda qizdirib o‘rnatiladi. Korpus qopqog‘ini markazlashtirish uchun konussimon shkiv o‘rnatiladi, keyin bolt yordamida qotiriladi. Podshipnikning qopqog‘iga moy oqmasligi uchun rezinali manjet o‘rnatiladi. Radial tirgak podshipnikni rostlash uchun yupqa metalldan tayyorlangan qistirma o‘rnatiladi.
Kirmak bilan kirmak g‘ildiragini ilashishini to‘g‘rilash uchun ham qistirmalardan foydalaniladi. Qistirmalar o‘rni almashishi mumkin. Lekin ularning umumiy soni o‘zgarmay qoladi. Moy to‘kiladigan va moy soladigan teshiklar tiqin yordamida berkitiladi.
Yig‘ilgan reduktor maxsus stendda sinab ko‘riladi.