Etish va yuritish

Uch xil selderey bor.
Ildizmevali seldereyning- ildizi yaxshi o’sadi. Buning yablochnыy navi ko’p tarqalgan. Uning ildizmevasi dumaloq, kattaroq bo’ladi; po’sti oqishroq, eti oppoq, og’irligi 100-150 gr. keladi.
Salatnыy-(yo’g’on bandli) seldereyning barg bandi juda yug’onlashib, diametri uch- to’rt sm gacha yetadi. Uning bargi ham, bandi ham ishlatiladi.
Serbarg-seldereyning bargi ishlatiladi. Uning barg bandi va ildizi yo’g’onlashib ketmaydi.
Selderey sovuqqa chidamli o’simlik bo’lib, unumdor, sersuv yerni xoxlaydi.
Seldereyning ko’chati ekiladi. Bir gektarga yetarli ko’chat olish uchun, yanvar-fevralda iliq parnikka 800 gr.urug’ sepiladi. Urug’ unib, birinchi chin barg yozganda selderey maysalari boshqa parnik yoki ko’chatzorga ko’chirib ekiladi. Bunda qator oralari 5 sm., tup oralari 3-4 sm.qilinadi. Oradan 40-50 kun o’tgach, ko’chatlarni marzalarga ekiladi. Bunda marzalar orasi 60-70 sm., qator orasi 15-20 sm., ko’chatlar orasi 12-15 sm.bo’ladi. Serbarg selderey ko’pincha egatga ekiladi, chunki u o’sgan sayin ko’mma chopiqqilib turiladi. Yo’g’on bandli va serbarg selderey ekiladigan yerga gektariga 30-40 t. xisobidan go’ng, o’suv davrida esa gektariga 1-1,5 ts. xisobidan ammiak selitra solinadi. Ildizmevali selderey ekilgan yerga esa chirindi (gektariga 20-30 t.) yoki mineral o’g’it gektariga 105-200ts. ammiakli selitra, 2-3 ts. superfosfat solinadi.
Selderey 7-8 marta sug’oriladi, qator oralari yumshatilib turiladi va o’toqqilinadi. Serbarg seldereyning barg bandi oq bo’lishi uchun ko’mma qilib chopib turiladi. Urug’lik uchun selderey ildizmevasi erta baxorda (martda) qator oralarini 60 sm. dan, tup oralarini 30 sm.dan qilib ekiladi. Navlar o’zaro chatishmasligi uchun urug’lik ekilgan uchastkalar orasida bir ikki kilometr masofa qoldiriladi. Urug’lik uchastka 5-6 marta sug’oriladi, qator oralari kultivatsiya va bir ikki marta chopiq qilinadi. Seldereyning soyabonsimon to’pgulidagi urug’lar pishishi bilan yig’ib olinadi. Selderey gektaridan 3-4 ts. urug’ beradi. Urug’i 4-5 yilgacha unib chiqish kuchini yo’qotmaydi.