Ёшлар миллат келажаги

ЁШЛАР - МИЛЛАТ КЕЛАЖАГИ
Парпиев Ойбек Бахтиёржон ўғли
Андижон Машинасозлик институти.
Буқобил энергия манбалари кафедраси.
Ассистент.
2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясидаги демократик давлат қуриш ва фуқаролик жамиятини ривожлантириш борасидаги ислоҳотларда ёшлар фаоллигини ошириш билан боғлиқ бир қатор янги ва муҳим вазифаларни белгилаб берилганлигини алоҳида қайд этиш лозим.
Ушбу мақсадли дастурларни амалга ошириш борасида “Камолот” ЁИҲнинг навбатдаги IV Қурултойида Ўзбекистон Республикаси Президенти Ш.М.Мирзиёев томонидан бир қанча муҳим, ҳал қилиниши лозим бўлган вазифалар илгари сурилди.
Президентимиз томонидан “Республиканинг барча туман ва шаҳарларида синов тариқасида 11 йиллик мажбурий ўрта таълим тизимининг жорий этилиши муносабати билан бўшайдиган коллеж биноларини Ўзбекистон ёшлар иттифоқининг тегишли кенгашлари ихтиёрига беғараз ўтказиш, уларнинг негизида барча қулайликларга, шу жумладан кутубхона ва китоб дўконига эга бўлган ёшлар марказлари ва замонавий ёшлар кинотеатрларини, шунингдек, ёшларнинг уюшмаган қисмини 6 ойгача бўлган муддатда касб-ҳунарга тўловсиз ўқитиш марказларини ташкил этиш дастури лойиҳасини амалга ошириш”¹ вазифаси белгилаб берди. Чунки, уюшмаган ёшларни боқимандалик кайфиятидан қутқариш, уларни касб-ҳунарга йўналтириш, бўш вақтларидан унумли фойдаланиш ва уларга муносиб иш ўринларини яратиш ҳозирги кунда давлатимиз олдидаги ечилиши лозим бўлган асосий масалалардан бири бўлиб қолмоқда.
Юқоридаги фикрлардан келиб чиққан ҳолда, уюшмаган ёшларни касб-ҳунарга йўналтириш мақсадида қуйидаги таклифларни амалга ошириш мумкин. Масалан, уюшмаган ёшларни касб-ҳунарга йўналтириш мақсадида:
биринчидан, Ёшлар иттифоқи тасарруфига берилган коллеж биноларида 6 ойлик курслар учун дарс хоналарини ташкил этиш ва ушбу курсларга ҳудудлардаги мактаблар ва коллежни тамомлаётган ёшларни ҳамда маҳаллалардаги уюшмаган ёшларни жалб этиш мақсадида тарғибот ишларини амалга ошириш, уларнинг қизиқишларини ўрганиш ва қизиқишлари бўйича ўқув курсларига таклиф қилиш, бу курснинг ихтиёрий тарзда олиб борилишини таъминлаш;
иккинчидан, 6 ойлик ўқув курсини иш фаолиятини ташкил этиш. Бунда, дарсларни олиб бориш учун ҳудудларда фаолият олиб бораётган барча ташкилотларнинг етук мутахассисларини, машҳур ҳунармандлар ва тадбиркорлар иштирокини таъминлаш, ёшларга қулай бўлган вақтда дарс соатларини ташкил этиш. Ташкил этилган дарсларда дарс олиб бораётган муассаса иш фаолиятидан келиб чиқиб, амалиёт кунларини ташкил этиш ва амалиёт кунларида дарс ўтаётган мутахассис иш жойида ўргатилган назарий билимларни амалий тарафдан кўрсатиб беришини таъминлаш, курсларни олиб бориш учун ёшларни танлашда уларни билимлари бўйича табақалаштирилган ва кам сонли синфларга бўлиш лозим. Натижада, дарс олиб бораётган ўқитувчи дарсни кўтаринки рухда олиб боришга эриша олади ва билим олаётган барча ёшлар ҳар бир элементларни тушуна олади.
Учинчидан, 6 ойлик ўқув курсни якунида ёшлардан имтихон олиш ва имтихон натижаларига кўра, номинациялар белгилаш ва сертификатлар берилишини ташкил этиш. Бунда, курсни тамомлаган ёшларнинг курсни ўзлаштириш контингентини яхши билиб олишга эришилади. Сертификат олган ёшларга касб-ҳунар коллежини тамомлаган ёшларга берилаётган имтиёзли кредитлар тарзида имтиёзли кредит бериш тизимини ишлаб чиқиш.
Тўртинчидан, ўқув курсда ўқитувчилик қилаётган мутахассиснинг дарс ўтишга сарфлаётган вақтини иш вақти деб билиш ва унга Ўзбекистон ёшлар иттифоқи тарафидан хақ тўлашни қоплаш керак бўлади.
Ушбу ишларни олиб боришда маҳаллалардаги ёшларни жамоат ташкилотлари ва нодавлат нотижорат ташкилотлари томонидан бирма-бир ўрганиш керак бўлади. Бундай тартибдаги тадбирлар натижасида маҳаллаларда уюшмаган ёшларни аниқлаш ва уларни касб-ҳунарга ўргатувчи курсларга йўналтириш, бириктирилган ташкилот имкониятидан келиб чиқиб хомийлик кўрсатиш лозим. Бугунги кунда ҳар бир ҳудудда истиқомат қилаётган аҳоли орасида уюшмаган ёшлар сафини камайтириш ва уларни ватанпарварлик руҳида тарбиялаш долзарб масала эканлигини чуқур англаган ҳолда, уюшмаган ёшларга билим бериш ва ёшларни турли соҳаларда мехнат фаолиятини олиб бориб, комил инсон сифатида шаклланишига замин яратилишига эришилади.
Касб-ҳунарга йўналтирилган курсларда таълим берган мутахассис томонидан фаол ва ўз устида изланувчан ёшларни ташкилоти учун захира кадр қилиб танлаши ҳамда муносиб иш таклиф қилиш ва ишсиз ёшларни иш билан таъминлаш имконияти очилади.
Адабиётлар

1. 
   Ўзбекистон Республикаси Президенти Ш.М.Мирзиёевнинг 2017 йил 30 июндаги “Камолот” ЁИҲнинг навбатдаги IV Қурултойидаги “Жисмоний ва маънавий етук ёшлар – эзгу мақсадларимизга етишда таянчимиз ва суянчимиздир” номли маърузасидан.
   

Конфренсия қатнашчиси талабномаси (ариза)

1. 
   Фамилияси, исм, шарифи: Ойбек Парпиев Бахтиёржон ўғли
   
2. 
   Илмий даражаси ва унвони: Ассистент
   
3. 
   Иш жойи ва лавозими: Андижон Машинасозлик институти. Муқобил энергия манбалари кафедраси.
   
4. 
   Тезиснинг йўналиши: 4-шўба. Таълим ва тарбия уйғунлиги миллий тараққиётга эришиш кафолати.
   
5. 
   Тезиснинг номи: ЁШЛАР - МИЛЛАТ КЕЛАЖАГИ
   
6. 
   Телефон: [phone]
   
7. 
   E-mail: [e-mail]
   

1^ Ўзбекистон Республикаси Президенти Ш.М.Мирзиёевнинг 2017 йил 30 июндаги “Камолот” ЁИҲнинг навбатдаги IV Қурултойидаги “Жисмоний ва маънавий етук ёшлар – эзгу мақсадларимизга етишда таянчимиз ва суянчимиздир” номли маърузасидан.