Ёшлар ишлари агентлиги директори А. З. Саъдуллаевга

Андижон вилояти


Юлдашев Ойбек Боходиржон ўғлининг телеграмдаги саҳифаси таҳлил қилинганда обуначилар сони 178 нафар (200 нафарга ҳам етмаган) бўлиб, ҳафта давомида 18 та хабарлар жойланган, саҳифада қайта алоқа тизими мавжуд. Бироқ, ушбу манзилда ҳафта давомида овозли чат ташкил этилмаган, ёшлар ўртасида ижтимоий сўровлар олиб борилмаган.
Вилоятнинг Бўстон (Бекназарва Махлиё), Хўжаобод (Машрабоев Хабибулло), Балиқчи туман бўлимининг телеграмдаги саҳифаларида ҳафта давомида бирорта ҳам маълумот жойланмаган.
Андижон, Хонабод шаҳарлари, Андижон, Асака, Билиқчи, Бўстон, Избоскан, Жалақудуқ, Марҳамат, Олтинкўл, Улуғнор, Қўрғонтепа, Шаҳрихон туман бўлимларининг Телеграм саҳифасидаги обуначилар сони 200 нафарга ҳам этмайди. (Булоқбоши, Пахтаобод, Хўжаобод туман бўлимларида 200 нафардан ортиқ).


Қашқадарё вилояти


Поёнов Темурбек Олимовичнинг телеграмдаги саҳифаси таҳлил қилинганда обуначилар сони 2 759 нафар бўлиб, ҳафта давомида жойланган 17 та хабарларни бор йўғи 150 энг кўпи билан 200 нафар обуначилар томонидан кўрилган. Қўйилган маълумотлар бўйича қайта алоқа тизими мавжуд эмас, ҳафта давомида каналда ёшлар ўртасида ижтимоий сўровлар олиб борилмаган.
Вилоятнинг Қарши (Эшдавлатов Алимардон), Деҳқонобод (Қулмаматов Адҳам), Яккабоғ (Нусуров Шерали), Миришкор (Тангриев Акбар), Ғузор (Ўрунов Ҳасан) туман бўлимларининг телеграмдаги саҳифаларида ҳафта давомида бирорта ҳам маълумот жойланмаган.
Энг ачинарлиси Яккабоғ (Нусуров Шерали) туман бўлимининг телеграм каналидаги обуначилар сони бор йўғи 56 нафарни ташкил қилади.


Жиззах вилояти


Агентликнинг вилоят бошқармаси бошлиғи Худайшукуров Дилмурод Холмуродовичнинг телеграмдаги саҳифаси таҳлил қилинганда обуначилар сони 138 нафар бўлиб, телеграмда саҳифасига ҳафта давомида 10 та хабар жойланган ва каналда қайта алоқа тизими мавжуд эмас. Ҳафта давомида ёшлар иштирокида овозли чат ҳамда ижтимоий сўровлар ўтказилмаган.
Вилоятнинг Зафаробод (Муртазоев Шухрат) тумани саҳифасида ҳафта давомида бирорта ҳам маълумот жойланмаган. Бахмал туман бўлимининг саҳисида сифатида тақдим қилинган канал (https://t.me/Baxmal_yoshlar) ўрганилганда ушбу саҳифа Ёшлар иттифоқи туман Кенгашига тегишли эканлиги маълум бўлди.