Ёш қутқарувчи” кўнгиллилар клублари ўртасида ўтказиладиган мусобоқа савол-жавоблари

“Ёш қутқарувчи” кўнгиллилар клублари ўртасида ўтказиладиган мусобоқа савол-жавоблари


1. Фавқулодда вазиятга тариф беринг.
Жавоб:Фавқулодда вазият - бу муайян ҳудудда ўзидан сўнг одамларнинг қурбон бўлиши, одамлар соғлиғи ёки атроф-муҳитга зиён етказиши, кишиларнинг ҳаёт фаолиятига каттагина моддий зарар ҳамда унинг бузилишига олиб келиши мумкин бўлган ёки олиб келган авария, ҳалокат, стихияли офат, эпидемиялар, эпизоотиялар натижасида юзага келган ҳолатдир.
2. Фавқулодда вазият турларини айтинг.
Жавоб:Фавқулодда вазиятлар юзага келиш сабабларига (манбаларига) кўра
Техноген хусусиятли ФВ
Табиий хусусиятли ФВ
Экологик хусусиятли ФВ
3.Техноген тусдаги Фавқулодда вазиятга тариф беринг (мисоллар келтиринг).
Жавоб: Транспорт авариялари ва ҳалокатлар
Кимёвий хавфли объектлардаги авариялар;
Ёнғин-портлаш хавфи мавжуд бўлган объектлардаги авариялар;
Энергетика ва коммунал тизимлардаги авариялар;
Бинолар конструкцияларини тўсатдан бузилиши;
Радиоактив ва бошқа хавфли ҳамда экологик жиҳатдан зарарли моддалардан фойдаланиш ёки уларни сақлаш билан боғлиқ авариялар;
Гидротехник ҳалокатлар ва авариялар.
4. Табиий тусдаги Фавқулодда вазиятга тариф беринг (мисоллар келтиринг).
1.Геологик хавфли ҳодисалар:
- зилзилалар
- ер кўчкилари
- тоғ ўпирилишлари
2.Гидрометеорологик хавфли ҳодисалар:
- сув тошқинлари
- сув тўпланиши
- селлар
- қор кўчкилари,
- кучли шамоллар (довуллар)
- жала
-қурғоқчилик
3. Фавқуллодда эпидемиологик, эпизоотик ва эпифитотик вазиятлар


5. Селга тариф беринг. Сел келиши сабаблари. Сел келганда аҳолининг харакатлари.
СЕЛ-тоғ дарёлари ўзанларида тўсатдан юзага келувчи, катта ҳажмдаги қум, тош ва тоғ жинслари бўлаклари аралашмасидан иборат ёки лой-тошли оқимдир.
Сел келиши сабаблари Сел 2-10 м/сония ва ундан катта тезликда ҳаракат қилади. 1 куб метр сел оқимининг оғирлиги 2 тоннагача етади. Битта жойнинг ўзида кучли сел оқимларининг пайдо бўлиш эҳтимоли катта эмас. Чунки сел ҳосил бўлиши учун фақатгина ёғингарчиликнинг кўп бўлиши етарли эмас. Бунинг учун сув оқими олиб кетиши мумкин бўлган тоғ массаси ҳам мавжуд бўлиши зарур.
Сел сув-тошли, лойли ва лой-тошли оқим тарзида бўлиши мумкин. Оқим таркибидаги тош бўлаклари айниқса катта вайронагарчилик келтиради.
Сел келганда аҳолининг харакатлари.
1.Саросимага тушмай, олинган ахборот ва вазиятни тезда бахоланг
2.Асосланган қарор қабул қилгач, унга бионоан харакат қилинг
3.Сел келиши мумкин бўлган хавфли майдонларни тезда тарк этинг
4.Сел оқимиларига тушиб қолсангиз, оқим харакати бўйлаб бурчак остида қирғоққа чиқиб олишга харакат қилинг.